KC KOREA x 心靈工程師塔羅情人夢活動

上星期出席了KC KOREA x 心靈工程師塔羅情人夢活動.

簡單介紹一下講師林俊.

佢研究中西古今名理學超過十五年, 致力揉合及創造一套以中國觀人術以及西方性格分析學作基礎, 以統計學作論證的個人成長工具.

活動開始時, 佢先同大家講下性格統計學, 包括生肖, 紫微斗, 八子, 掌相和面相.

當然重點介紹塔羅牌.

解讀方法除了牌義之外, 仲需要直覺.

而左腦執掌思維語言功能, 而右腦執掌概念.

接着, 教大家怎樣找出自己的生命密碼, 一共有1至9號.

例如: 1991年11月19日.

(將出生年份的數字相加)1+9+9+1 =20
(月份相加)1+1=2
(日期相加) 1+9=10

再將年, 月和日的總數相加, 20+2+10=32
再將個位和十位數相加, 3+2=5
就計算出生命密碼是5號

如果月份和日期是單位數就直接加起來便可.

例如: 1970年2月5日.

(將出生年份的數字相加)1+9+7+0=17
(月份) 2
(日期) 5

再將年, 月和日的總數相加, 17+2+5=24
再將個位和十位數相加, 2+4=6
就計算出生命密碼是6號

而我自己是6號, 就是以下這張牌.

對塔羅牌有點認識後, 係時候實踐一下.

我地兩個人為一組, 輪流為對方解說一下牌的意思.

我就抽中以下這隻牌.

雖然我唔太識得講解, 但都幾好玩.

最後, 講師抽了一些牌同大家講下牌義.

KC KOREA
地點：觀塘成業街6號泓富廣場2706-10

心靈工程
銅鑼灣軒尼詩道505號電業城12樓1206室

二人牛之盛合 @ 298 Nikuya Kitchen

在尖沙咀工作的友人相約我在附近食飯，佢選擇了298 Nikuya Kitchen.

這裡坐位與坐位之間算寬闊，不論情侶，三五知己或一班朋友也適合.

在考慮食甚麼的時候，店員先向我地推介二人牛之盛合.

餐廳會因應當日的貨源，從而選出七款不同牛的位置俾客人，所以日日也不同.

可以一口氣試齊多款牛肉，我地就點了一客.

牛之盛合上檯，賣相精緻.

當中包括厚切牛舌，牛腿扒, 三角小排，頂級牛小排，腿肉sabu，肩㚒小排和崩紗腩.

原來不同部位，點的醬汁也有所不同，非常講究.

有需要的話，這裡的店員會幫忙燒.

厚切牛舌.

較少食到甘厚身的牛舌.

這個燒完後，只需要．加少許檸檬汁便可以食.

牛舌帶點爽口，又夠口感，非常好味.

牛腿扒.

這個肉質較為瘦，食的時候配合蒜片，再點咸鼓油和芥末一齊食，多重口感.

三角小排.

這個脂肪較牛腿扒多些.

也是配合蒜片，再點咸鼓油一齊食.

入口軟棉棉，牛肉較多雪花，有㸃入口即溶的感覺.

接下來，幾款肉也是薄身為主, 而且也是點一另帶少許甜的鼓油.

頂級牛小排.

肉質夠嫩滑，即使要食全熟的我也不覺得硬.

腿肉sabu.

腿肉較瘦身一點，最啱鍾意食偏瘦的我，入口肉質依然嫩滑.

肩㚒小排.

由於是薄切，好快就熟，肉質嫩口.

崩紗腩.

這個部位好少食，這個要燒得耐一點，全熟才吃，否則有根.

雖然全熟，但不會過硬，帶一點咬口，較有口感，牛肉味也可以.

一次過食了甘多款牛肉，非常滿足，我地再點了一個牛肉石頭鍋飯.

上檯時已香味撲鼻.

內裡材料也幾豐富，顏色也夠繽紛.

店員會在客人面前撈好飯和各款材料.

店員話剛撈好，飯略為濕少少，所以要將飯分怖在石鍋邊，用熱力令飯乾身一點，部份更成飯焦.

這個飯調教味道適中.

當中有些飯是飯焦，較有口感，多了一份飯焦香味.

招牌炒魚腩 @ 粗菜館

初初係炮台山返工, 真係不太習慣. 因為未在這裡返工時, 我甚少來炮台山, 而且舊公司在銅鑼灣, 午飯時可以四周行街, 這裡相對少好多.

後來, 漸漸發現這裡的食店真係有不少, 多數以小店為主, 其中有部份仲要是特色小店, 原來這裡有另外一個寶藏.

較早前又發現一間新食店試業中, 就是粗菜館, 我就去了一試.

店內仲放有一幅蔡瀾先生寫的字.

愛飲湯的我，見到有老火湯，便點了一窩木瓜雪耳煲豬𦟌.

份量足夠四個人飲用.

個湯幾清甜，材料也有不少，滋潤一下喉嚨，最適合不過.

另外，也點了這裡一些特色菜式，包括招牌炒魚腩和招牌炒豬什.

招牌炒魚腩.

友人愛食魚，所以點了這個. 

我本身鍾意食薑蔥蒸魚多些，這個煮法試一般，但見到魚腩色澤幾靚，便試下.

估不到甘好食，味道調教適中，完全不覺得有魚腥味.

魚腩切得夠厚身，口感十足，魚算新鮮，肉質幾彈牙.

招牌炒豬什.

牛什我自己都好鍾意食, 但豬什就好少食.

當中也有不少不同部位, 包括豬潤, 豬肚, 豬腸等..

豬膶和豬肚幾腍身, 唔會太硬又乾, 味道也調教適中.

我本身不食豬腸, 所以沒有試, 友人話都算爽口.

食餸當然要同飯一齊食才最㚒，最好味.

這裡的豬油撈飯也好出名, 所以也點了一個試下.

我自己未食過, 今次首次食.

我不食得太油膩, 所以只加入少許豬油和豉油.

客人可以因應自己的喜愛而混入醬汁.

入口多了一份豬油香味.

雖然這兩款美食幾美味, 內臟和豬油撈飯始終是幾高膽固醇, 偶然食一次就無防.

一口氣食了幾款較濃味菜式, 我地點了粗菜扒豆腐.

豆腐好滑身, 味道清淡一點, 用來中和之前的菜式是最適合不過.

最後, 點了甜品, 就是薑汁蕃薯糖水.

薑味夠濃郁, 糖水充滿薑味, 最啱冬天食, 可以暖胃.

蕃薯軟硬適中.