開心聚一聚 @ Playa de Papagayo

早前趁聖誕節有幾日假期, 約了一排無見的朋友食午飯傾下計. 今次朋友提議去位於尖沙咀的Playa de Papagayo.

Brunch只係dinner menu嘅菜式，所點食物張單會7折(下午12時至5時)， 咁樣都幾抵喎.

而對於鍾意飲酒的朋友更加啱晒, 因為只需要另加$118(下午12時至4時)任飲紅酒、白酒、Cava，再加一，其他酒類happy hour價.

由於是聖誕節關係, 店內的怖置也充滿聖誕氣氛.

坐下來先點了小食Shrimps in Garlic & Olive Oil 橄欖油蒜片蝦.

上枱時已經香味撲鼻, 更用上別緻的小鍋子上枱.

蝦肉幾爽口彈牙, 入口時仲充滿橄欖和蒜香的味道.

當中仲有炸了的蒜片, 有點似食薯片的感覺.

另外, 再點多一款小食, 就是Papagayo Assorted Sausage Platter ( 16 month Serrano Ham, Chorizo, Salamelle)

當中有腸和火腿.

我試了其中一款, 再配埋蜜瓜和薄脆餅一齊食, 多重口感.

主菜點了Black Truffle & Wild Forest Mushroom Pizza 黑松露野菌薄餅.

薄餅面上放滿了雜菌, 雜菌味相當濃郁, 加上入口仲有淡淡的黑松露味道. 雙重口感, 對我來講, 雜菌和黑松露是最佳拍檔.

而這是薄批, 餅底夠薄, 又脆身.

Seafood Paella in Ink Sauce 西班牙墨魚汁海鮮飯.

當中有大蝦和墨魚圈. 大蝦夠大身, 入口尚算彈牙爽身.

對於我來講, 墨魚汁飯軟硬適中, 帶有少許咬口.

Grilled Organic French Chicken 法國有機黃油雞半隻.

雞是來自法國有機黃油雞, 入口時, 感覺肉質有點不同, 較為有雞味, 而且幾嫩滑.

外層夠薄和有微微的脆身, 再配合雜菜一齊食, 可以作為中和作用.