牛肉墨西哥玉米片 @ La Postre

較早前與友人去了上環覓食, 佢偶然也來這區, 所以今次由佢發板, 佢帶我去了La Postre食飯.

地方不是好大, 但是一個怖置幾精緻的餐廳.

不論情侶或三五知己上來食飯傾計也是不錯選擇.

我先點飲品.

天氣寒冷, 我鍾意飲熱野, 而每次見到水果茶, 我多數也會點來一試, 今次也不例外, 我點了熱的仲夏水果茶.

茶味不錯, 但不夠熱, 若水果味再濃郁一點會更好飲.

我地點了牛肉墨西哥玉米片.

玉米片夠薄身, 又夠香脆, 非常可口, 好自然不停咁食.

玉米片上仲放上牛肉和芝士, 特別惹味.

來這裡, 必定要試下這個.

另外, 也點了西班牙豬仔脾和西班牙海鮮炒飯 (二人份量).

西班牙豬仔脾.

一份有五隻.

豬仔脾肉質夠嫩滑, 肉汁也算豐富, 入口時完全不會覺得乾身.

味道相對較濃, 好啱愛食濃味的我. 若鍾意食淡味一點的朋友, 可能覺得咸了小許.

最後, 來一客西班牙海鮮炒飯 (二人份量).

材料相當豐富, 包括大蝦, 扇貝和青口.

我就試了青口. 青口幾彈牙. 而飯就帶點口感.

甜品點了Sexy Six.

上枱已被佢的賣相所吸引, 好食花咁, 我相信女孩子見到一定好鍾意.

當中包括六款口味, 各人可以因應自己的喜愛而選擇其中一款.

我自己就算了以下這款, 因為我鍾意食cream, 這個有好多cream, 入口感覺好滑身.

加上這是一層一層, 口感豐富, 而味道適中, 不會過甜, 啱晒我口味.