英式下午茶 @ Spade of Lassana

週末其中一個不錯的選擇, 便是與好友去High Tea. 較早前便與友人去了位於油塘 Spade of Lassana食High Tea.

今次是為試下佢地的英式下午茶, 當中有咸點, 甜點和兩杯飲品, 價錢也只是$148. 以這個價錢食一個High Tea, 真是抵食.

或許是星期六, 店員比較忙, 未能有效率地清走枱上的餐具, 四周望下, 終於揾到一張乾淨的枱.

落了單, 等了接近十分鐘, 店員送上英式下午茶.

整體感覺都幾靚.

第一層放了馬卡龍和生果撻.

第二層放了雪糕和牛角包,

最底層放了鬆餅, 焦糖布甸和三文魚餅.

唯一美中不足的地方是第二層的雪糕已開始溶,已經少許整到了同層的牛角包, 所以要趕快食先.

我也不明白怎樣會這樣快溶, 除非一早放了雪糕出來.

雪糕是幾滑身, 若硬身一點就好好多.

蛋沙律牛角包, 包都幾鬆化, 配上蛋沙律, 口感不俗.

接着, 我就食第一層的甜點.

馬卡龍甜度適中, 外皮都算脆, 若再煙韌一點會更好味.

生果撻的撻皮尚算鬆化, 當中的吉士幾好味.

最底層的鬆餅是沒有附上果醬或牛油, 若果有需要, 便要自己出去問店員拎.

這個鬆餅是帶點硬身, 幾有口感, 我自己鍾意搽牛油一齊食.

焦糖布甸就較為遜色, 味道唔夠, 滑度也是一般.

而我自己最鍾意便是熱咖啡, 幾香滑, 而甜度又適中.

整體來講, 店員的服務尚有改善的空間, 枱面乾淨與否是重要的一環, 這是客人對餐廳第一眼的觀感.

另外, 擺放下午茶的先後次序的細節也是留意, 容易溶的食物是否應該到最後送上俾客人前才放上去.