班尼迪配露筍和朱古力心太軟伴雪糕 @ M3 Italian

平日係沙田覓食, 大家好自然諗起新城市廣場一帶或是大圍. 但從友人口中得知, 沙田圍也有一間叫M3 Italian不錯的餐廳.

入到店內, 簡約的裝修, 令人感覺舒服.

飲品點了Café Latte with Hazelnut.

這個Latte甜度已經剛剛好, 不用再加糖. 而Latte面的泡沫好豐厚, 混入Latte中更加滑和香.

愛食海鮮的我, 先點了白酒忌廉汁藍青口.

份量也算幾多.

藍青口幾飽滿, 入口口感不俗. 而且配上忌廉汁, 多了一份忌廉的香味, 兩者非常夾.

食咗這個青口, 感覺滿足.

原來這裡逄星期日和公眾假期都有Brunch供應, 而且選擇也不少, 所以我就點了班尼迪配露筍.

班尼迪上枱啦~

賣相夠精緻.

材料也相當豐富, 當中包括英式鬆餅, 水煮蛋, 蔬菜和薯餅.

當中重點一定是蛋.

用刀輕輕切開, 蛋黃流出, 非常吸引.

露筍幾新鮮, 入口夠爽脆. 而鬆餅沾上蛋黃, 更多了一份蛋香.

而蛋, 露筍和鬆餅三樣一齊食, 多重口感.

薯餅外皮夠脆, 而薯味也夠濃.

蔬菜夠新鮮, 能夠作為中和.

這個Brunch夠清新, 健康, 完全不油膩.

愛食甜品的我, 怎會不點甜品.

我點了朱古力心太軟伴雪糕.

朱古力心太軟切開一小角後, 流出朱古力.

對於我來講, 怎樣才算是成功的朱古力心太軟, 就是切開後, 朱古力能一湧流出, 這個是好考師傅控制時間的功力.

心太軟夠香濃, 入口有濃濃的朱古力香味.

而旁邊的雪糕幾滑身.

一啖心太軟, 配上一啖雪糕, 一冷一熱, 雙重口感.

非常推介這個朱古力心太軟, 來這裡一定要試下.