特式燒烤拼盤和土耳其特式烤肉串 @ Griller Spot烤吧

平日甚少去Emax, 除了睇演唱會或電影. 上星期朋友話入去睇戲, 所以便食埋飯.

最後, 我地揀了一間叫Griller Spot烤吧食飯.

這間餐廳都幾大, 店內的設計都幾別緻.

天氣再涼一點的時候, 可以選擇係戶外食飯.

我地點了特色沙律.

椰菜直接切開上枱, 再在菜面上放上芝士碎, 蕃茄粒. 由於朋友不食煙肉, 所以另上, 我自己放上面.

椰菜好新鮮, 入口好爽脆, 自己用刀切開食, 感覺幾不同.

當中加入芝碎, 蕃茄粒等, 多重口感.

小食點了芝士醬薯條.

薯條面放滿了芝士醬, 上枱已聞到淡淡的香味.

熱辣辣的薯條, 混入溶溶地的芝士, 口感一流.

我自己鍾意食粗薯條, 這個也算是, 所以入口時薯味較濃.

來到這裡, 當然要點燒烤菜式.

我地點了特式燒烤拼盤和土耳其特式烤肉串.

特式燒烤拼盤是自選食品, 我地點了龍蝦, 燒烤菇, 菠蘿和粟米.

拼盤上枱時已好吸引.

龍蝦好大隻呀~

第一時間就食龍蝦先.

龍蝦肉肉質好爽好彈牙, 因為夠鮮味, 不用點任何醬汁, 已經非常好味.

龍蝦蚶已扑開, 所以容易食.

燒過的大菇尚算厚身, 入口時多汁, 完全不乾身, 菇味也算濃郁.

食完龍蝦和菇, 就食菠蘿中和一下.

菠蘿相當清甜, 用來清清口喉是不錯.

接着就是土耳其特式烤肉串.

我地選了牛和雞串.

每串份量也好大, 而且當中加入了三色椒, 蘑菇和洋蒽.

雞肉肉質也算不錯, 不會過硬.

而我自己較鍾意食牛, 牛味幾濃, 肉質也夠腍身.

最後, 就是甜品.

我地點了Brownie.

這個是配上雪糕, 真係好豐富.

這裡的Brownie的質感和我平日食的有點不同, 佢是較為軟身一點.

入口時, 朱古力夠香濃, 就咁食對於某一些人來講可能略為甜了一點, 但混入雪糕一齊食, 就可以中和一下, 仲有雙重口感.