愉快聚會 @ Castello 4

早前去了銅鑼灣行街, 便相約好友一齊食飯, 我地今次選擇了Castello 4食飯.

一踏入餐廳, 已被這裡的裝修吸引住, 好像去了另外一個世界, 裝修好有心思.

坐低後, 我先點飲品. 這裡有各式各樣有酒精或無酒精飲品, 我點了Strawberry Push, 是一杯無酒精的飲品.

上枱時, 已見到這杯飲品好靚, 除了顏色搶眼外, 最特別是粒士多啤梨整成一朵玫瑰花, 靚到不捨得食.

飲品混入了新鮮士多啤梨, 青檸和果汁而成, 入口有淡淡的士多啤梨香味, 甜度適中, 幾好飲.

小食點了Cream Spinach Stuffed Portobello.

大菇上放滿了菠菜, 當中也混入了芝士.

大菇尚算厚身, 而且夠多汁, 完全不會覺得乾身.

入口時夾埋菠菜和芝士, 多重口感, 不會覺得肥膩.

湯我點了Bisque蝦湯.

用這個盛着湯, 能夠保持湯的熱度, 我自己最鍾意飲熱湯.

湯夠濃郁, 充滿蝦的鮮甜味道.

而湯中有一隻蝦, 蝦肉夠彈牙, 也夠鮮美.

主菜我地點了Braised Beef Short Rib.

近期愛上慢煮的煮法, 對於完全不食生嘢的我, 的確非常適合.

肉質夠腍身, 而且牛味也算濃郁.

而伴菜的薯容也整得好入味, 記得也要食埋呀.

另一款主菜點了Beef Bourguignon Risotto.

我自己本身鍾意食意大利飯.

而這個飯的軟硬度也啱我口味, 材料也豐富, 除了牛肉外, 仲配有露筍, 除了增添一份顏色外, 口感相對也提升了.

最後, 當然是甜品時間.

我地點了Opera Cake.

這個蛋糕由多層不同口感的材料而成.

最上面的朱古力夠香濃軟滑, 而內裡的蛋糕, 軟心朱古力和忌廉也能互相配合, 甜度剛剛好.