上星期跟在中環工作的好友去了S2 Kitchen 食飯, 這是我首次到來. 店內坐位不算多, 設計充滿和式, 而牆上掛了不少畫.
坐低後, 我地先點了兩款前菜, 包括富有柿沙律和粟米刺身.
富有柿沙律賣相好精緻.
我平日不食林柿, 因為太腍身. 但富有柿卻完全不同, 好爽脆, 又帶點甜, 非常好味, 我鍾意這個口感.
粟米刺身.
我自己未試過食生的粟米, 粟米色澤均勻, 入口好脆, 容易咬, 而且仲好甜口.
飲品我點了蜜瓜味汽水, 甜甜地, 入口帶有蜜瓜味道, 幾清新.
來這裡朋友當然會食刺身, 但我唔食魚生, 所以佢地也就我, 點了我都食得的S2特色火焰卷.
壽司飯中間釀入雞蛋及蟹柳, 外層鋪上帶子及蟹子, 再加上自家製獨特沙律醬, 材料相當豐富.
經過火燒的壽司, 感覺上有點不同. 沙律醬混入鮮美的帶子, 仲有雞蛋和蟹柳, 加上蟹子咬時啪啪聲,
口感十足.
明太子串燒秋刀.
擺放好有心思. 秋刀魚外皮夠香脆, 連平日不太食魚皮的我, 今次也有不得不一試.
內裡加入明太子, 微微的辣辣, 幾醒胃, 而魚肉也幾鮮味.
海膽燒岩蠔.
這兩款食材放在一起, 未食已相當令我期待.
蠔上放上海膽, 仲放滿了蟹子, 顏色夠奪目.
燒的時間調教得剛好, 蠔和海膽也是剛熟, 不會過火, 出現乾的情況. 兩者也好新鮮.
清酒鮑魚雞翼 .
鮑魚以低温煮過後, 再將鮑魚釀入去了骨雞翼中, 鮑魚幾彈牙, 入口帶有淡淡的清酒味道,
雞翼外皮有點微香, 估不到兩款食材幾夾.
日本長洲雞頸肉串.
豬頸肉就食多, 雞頸肉就較少食.
肉質幾嫩滑, 不用點任何醬汁, 味道也不錯.
一口氣食了多款較濃味的食物, 我地點了魚湯竹炭麵, 這個剛好中和一下.
竹炭麵帶點煙韌, 魚湯幾鮮甜, 即使簡單配上金菇, 冬菇和菜, 也令人想食多一點點.
最後, 以甜品作為總結.
我地點了紫芋年糕.
年糕煙煙韌韌, 內裡的紫芋甜度適中, 兩者配搭好夾.
這裡好多食材的配搭夠創新, 能給人驚喜.
沒有留言:
發佈留言