飯聚 @ JAR Just A Restaurant

朋友提議食西班牙菜, 我自己比較少食, 也可以去試下, 便由友人帶路, 去了位於中環擺花街的JAR Just A Restaurant食飯.

店內的裝修和環境帶點昏暗, 幾適合情侶到來食飯.

前菜和小食我地點了牛油果蟹肉沙律和西班牙青椒配海鹽炸蒜.

牛油果蟹肉沙律.

我自己對於牛油果一般, 但配合蟹肉, 磨菇和蔬菜一齊食, 我又接受到.

蔬菜爽脆又新鮮, 牛油果質感適中, 我不太鍾意過腍身的口感.

食完後, 感覺幾清新.

西班牙青椒配海鹽炸蒜.

這裡是食西班牙食品, 當然要點一些平日少食的品種.

好以這個西班牙青椒, 我初時擔心佢是辣, 估不到佢是帶甜, 加上海鹽和炸蒜, 更能突出佢的味道.

主菜點了西班牙海鮮鑊仔麵和香草燒雞.

今次不想食飯, 所以試了西班牙海鮮鑊仔麵.

佢地的麵和我地平日食的不太相同, 較細條和細粒, 我覺得麵似通心粉.

用料幾豐富, 當中以青口和蜆為主. 海鮮份量也算幾多, 也幾鮮味, 我自己較鍾意食青口.

麵軟硬適中, 吸收晒海鮮的精華, 特別入味.

也點了香草燒雞.

上枱時已聞到一點點香味.

除了雞多, 也有薯條, 粟米和雜菜.

雞肉肉質尚算嫩滑, 入口時還伴有淡淡的香草味, 而外皮就帶點微脆.

雞肉不會太乾身, 有點肉汁.

薯條幾幼身, 也炸得幾香脆.

食得太多肉, 可以食粟米和雜菜中和一下.

甜品點了法式焦糖燉蛋和焗麵包布甸配牛油核桃雪糕.

焗麵包布甸配牛油核桃雪糕.

賣相幾靚.

麵包布甸外皮帶點脆, 內裡幾滑身.

我也是較少食牛油核桃雪糕, 味道不錯.

法式焦糖燉蛋.

我最愛蛋面的焦糖, 焦糖夠脆, 又夠甜, 配合滑身的燉蛋一齊食, 多重口感.