HAPPY FRIDAY @ Noble Spice

時間過得好快, 又一個星期, HAPPY FRIDAY當然要出去食飯, 輕鬆一下.

今次我地選了位於中環的Noble Spice.

這是一間印度菜, 入到店內.

店員先奉上薄餅和三款醬汁.

三款醬汁也逐一試, 我自己最愛青色的薄荷汁, 而薄餅是脆脆, 帶點咸.

平日食印度菜多數飲芒果Lassi. 今次我點了Coconut Lassi.

整杯飲品充滿椰子味, 若再杰身一點更好味.

主菜點了香辣炸雞鎚.

上枱已經聞到好香. 雞鎚外皮好脆, 內裡節雞肉好嫩滑, 而且一點都不乾. 非常好味, 不會覺得佢油膩.

對於不太食得辣的我, 這個微辣啱晒我.

串燒免治雞肉卷.

將雞肉整成卷, 而且用鐵板上枱, 一直保持熱辣辣.

這個雞肉卷較炸雞鎚辣, 但好惹味, 肉質較雞鎚有咬口, 仲啖啖肉添.

串燒芝士.

芝士以鐵板上枱, 我真是較少以這食法.

口感和平日食的芝士完全不同, 佢是硬身, 帶點咸咸地, 配上青椒和蕃茄一齊食, 可以起中和作用. 我自己就幾鍾意.

香濃茄汁燴蝦球.

蝦球算幾大隻, 而且也彈牙.

茄汁是甜甜地, 幾濃, 若茄味再多一點更好味.

有咁多汁, 當然要叫烤餅一齊來食.

我地點了芝士烤餅和印度咸煎餅.

芝士烤餅是較軟身, 與我之前試過的印度烤餅有點不同, 烤餅中混入芝士粒.

不論單食, 或是點醬汁也可以.

印度咸煎餅和平日係粥店食的咸煎餅差不多.

單食是無太大的味道, 所以這個我會點醬汁食, 又咸又甜, 雙重口感.