和牛大菇漢堡 @ Burgerman

早前去了深水埗黃金商場睇下一些電腦配件, 之後便去附近的Burgerman食野.

這間店真係幾細間, 店內只有不夠十個座位. 所以有唔少人選擇外賣.我好好彩找到個位.枱上放了义, 手套和紙巾, 方便客人進食時使用.

我點了這裡的人氣漢堡, 就是和牛漢堡, 我自己額外加了大菇.由於是即叫即整, 需要等待大約十五至二十分鐘.可以加$18配薯條或薯格或沙律和飲品.

我今次只是單點.另外要了一支綠茶, 主要是被個樽吸引咗, 而且我未試過這個牌子的飲品.

甜度適中, 配漢堡包不錯.終於等到漢堡包上枱.

當中再配有翡翠苗, 打開個包, 見到有炸洋蒽絲.

漢堡包有點微脆.大菇不是好厚身, 但勝在幾Creamy, 不會覺得佢乾身.

等我試下個和牛先. 相對平日食的牛肉漢堡, 以和牛整成的漢堡口感更腍身, 感覺有點軟棉棉, 完全不會又硬又乾.和牛是人手打製, 再自己壓肉而成.

我以和牛配上大菇一齊食, 雙重口感.

我是大愛芝士, 若有芝士會更加好味道.係我食野期間, 最多人叫就是和牛漢堡, 唔怪得咁多人叫.我見其他食客點了雞翼, 我也想一試, 點了水牛城雞翼.

一份雞翼有五隻, 而每隻雞翼都幾大隻.由於是剛剛炸起, 外皮是脆脆地, 這個雞翼不是炸到好硬身那款, 內裡的雞肉幾嫩滑.

而雞翼面沾了辣的醬汁, 的確幾惹味, 但對於我來講就辣了一些, 下次我會叫佢落少一點醬汁.

整體來講, 這間店的食物質素不錯, 只是座位太少和比較窄, 期間不停有人外賣, 我走時, 店內外也有好多人.