住家風味小菜 @ 好燒味小菜

平日食飯多是日本菜或西餐為主, 中式小炒較少. 朋友提議今次轉轉口味, 所以就跟朋友去了位於西灣河的好燒味小菜.

這裡除了有各款燒味飯外, 仲有小菜.

所以我地點了核蛋义燒飯.

另外, 點了幾款小菜, 包括蝦醬時菜炒雞柳, 瑤柱肉碎蒸水蛋和金針雲耳滑雞煲.

而且隨小菜奉送白飯和例湯.

例湯是青紅蘿白瘦肉湯. 

首先試下這裡的燒味飯.

义燒燒得好均勻, 又夠瘦, 但是完全不覺得乾身, 而且肉質仲好腍身, 非常好味.

蝦醬時菜炒雞柳.

這個份量好大碟, 雞柳幾嫩滑, 但略為唔夠蝦醬味, 所以唔夠惹味.

瑤柱肉碎蒸水蛋.

水蛋夠滑身, 但蛋味唔太夠濃郁, 入口有淡淡的蒽花香味, 用來撈飯真係一流.

金針雲耳滑雞煲.

這個是用煲仔上枱, 不但夠熱辣辣, 而且仲香噴噴添.

金針雲耳蒸雞就食得多, 這個煮法我卻較少食.

雞幾嫩滑, 也算入味. 而金針和雲耳吸收晒醬汁的精華, 所以夠晒味.

這些充滿住家風味的菜式, 偶然來食下, 也是不錯的選擇.