川貝桂花燉雪梨 @ 殿糖級

放工後心血來潮想食甜品, 便去了天后的殿糖級.

在門口已經見到介紹榴槤千層蛋糕, 入到店後, 決定試一試這個.

上枱時已感覺榴槤飄香.

入口幾滑身, 由於我不是超鍾意食榴槤, 所以這裡的榴槤濃度對於我來講是適中, 若超愛榴槤的朋友, 可能會覺得不足夠.

一層蛋糕皮, 一層榴槤忌廉, 雙重口感.

間中也要飲一些滋潤的糖水, 潤下喉嚨. 所以點了川貝桂花燉雪梨.

我自己最鍾意飲熱辣辣的糖水.

用上原個雪梨.

糖水非常清甜, 內裡仲有龍眼肉, 所以更加甜, 加上淡淡的桂花香味.

而雪梨也吸收晒精華, 非常好味.

飲完後, 喉嚨非常滋潤.