價錢相宜的法國菜午餐 @ Les Saveurs Private Kitchen

一聽到法國菜, 大家自然會聯想到貴…… 我自己也是這樣想.

早前趁星期六放假, 去了位於銅鑼灣的 Les Saveurs Private Kitchen食午餐, 原來近來推出午餐.

一入到房間, 已經被枱上的餐碟所吸引, 好靚~

首先奉上麵包, 分別有牛角包和法包, 配上欖橄油. 兩款包口感各有不同, 牛角包好鬆脆.

再來是餐前小食青檸慕絲.

上枱已經見到好精緻, 每隻匙放上一件青檸慕絲, 內裡是cream 芝士, 面上放上幾條青蘋果絲, 入口清新, 雙重口感.

這裡午餐可以選擇三道菜 $198 或是四道菜 $238, 每個月會轉換餐單.

 由於我不食魚生, 幾款頭盤也是生, 最後點了Confit Salmon with Quinoa Salad, tomato jelly on feuilles de brick.

賣相好精緻, 三文魚是由油浸而成, 當然不是全熟, 但口感對於我來講已好一點, 所以我也試了少許, 其餘就分給了友人食.

在三文魚下舖了藜麥, 我也是首次食, 帶點爽爽地, 口感幾得意.

餐湯是粟米湯.

有兩款飲法, 首次只是飲湯, 當中有濃濃的粟米味, 仲好滑添…

另一款飲法是連到碟旁的黑魚子鱔魚脆多士一齊食. 多士好香脆, 連埋帶點咸的黑魚子, 味道更出.

主菜我點了Slow Cooked French Chicken Supreme “coq du vin”style with mash potato.

賣相精美, 雞肉夠嫩滑, 汁若再濃一點會更好.

左上角有一個球型用菜包着, 原來是雞脾肉, 好有心思.

除了雞肉外, 配菜也好味道.

甜品可以點France cheese platter 或者Green tea mousse, with mille-Feuille cake, raspberry sorbet.

我地兩款也點了, 可以兩樣試齊晒.

France cheese platter是包括七款芝士, 由淡味開始食起, 原來這裡的芝士是法國手造, 所以味道與平日食有點不同.

有些芝士較濃, 未必可以就咁食, 我選擇配上果醬或是餅乾一齊食, 這樣起了中和作用.

Green tea mousse, with mille-Feuille cake, raspberry sorbet上枱已經好吸引.

我自己鍾意食拿破崙, 酥皮好鬆脆, 內裡的抹茶慕絲也夠香滑, 甜度適中. 再配上紅桑子雪葩, 酸酸地, 兩者好配合.

最後, 當然要飲番一杯茶先夠完滿, 這些茶包是由法國運來.

我點了芳香紅綠茶, 當中有紅茶、綠茶、橘子皮、矢車菊、玫瑰花瓣、金盞花、紅花, 味道不錯.

這裡每間房的怖置不錯, 私人空間又足夠.

不論是情侶或是三五知己來這裡望住維港景色, 再嘆個午餐真是好寫意.

在這裡試過午餐後, 想法有所改變, 原來法國菜也可以不太貴而食到.