初嘗泰式High Tea @ 泰燒遙

平日放假, 也會同三五知己去嘆下High Tea, 多數以西式為主, 但泰式High Tea, 你地又食過未? 上星期就去了位於諾士佛的泰燒遙試試.

首先, 點一杯泰式特飲, 可以從珍多冰、椰汁冰、龍眼水、香茅茶、青檸梳打、咸檸檬七喜、泰式咖啡、泰式奶茶裡選擇, 最後我點了冰龍眼水.

對於食得甜的我來講, 龍眼水甜度適中, 但對其他人稍為偏甜, 龍眼味略為不夠.

High Tea上枱啦~ 分別有甜品拼盤, 三色沙律和泰式燒烤.

三色沙律包括泰式鳳爪、青芒果軟殼蟹沙律、鮮蝦柚子沙律.

本身不是太食得辣, 所以泰式鳳爪對我來講是好好辣.

鮮蝦柚子沙律就起了中和作用, 柚子尚算甜, 蝦夠彈牙.

青芒果軟殼蟹沙律有點辣, 但無泰式鳳爪咁辣, 辣度我可以接受. 青芒果同軟殼蟹幾夾, 微辣幾醒胃.

泰式燒烤包括燒虎蝦兩隻、燒豬頸肉、豬牛雞肉串燒.

虎蝦好大隻, 幾鮮味, 不但啖啖肉, 仲好彈牙.

燒豬頸肉和豬牛雞肉串燒幾惹味, 當中我最愛牛肉串燒, 因為是先整碎牛肉再整串燒, 所以好入味, 又夠稔.

不過串燒的分量就少了一點, 若每人各有一串串燒會更好.

枱上有四款不同醬汁, 有需要時可以因應自己的喜愛而點.

幸好燒豬頸肉份量多一點, 肉質幾爽.

最後是甜品拼盤包括椰汁西米糕、芒果西米糕、泰式椰汁多士、紅豆大菜糕.

我自己鍾意食西米, 所以特別愛椰汁西米糕和芒果西米糕. 椰汁西米糕椰汁味幾香, 而西米硬度適中, 煙煙靭靭, 口感不錯.

泰式椰汁多士中我愛個醬汁, 因為我鍾意食椰汁, 椰味夠香滑, 配上脆脆的多士就好夾.

朋友再點了一個冬蔭海鮮湯金邊粉, 由於我不太食辣, 只是淺嘗, 湯底辣帶點酸酸很不錯, 金邊粉算爽口, 不會太軟.