令人難忘的牛坑腩 @ 潮樂園

若果不是在炮台山工作, 也不知道這裡有不少美食. 前幾日就趁做療程前有時間, 先去了潮樂園食少少野.

入到店內, 見到牆上掛了這幾幅句子, 就知道這裡有甚麼出名.

其實我好想試下這裡的卥味, 但因為得自己一個人食唔晒, 唯有留待下次.

最後點了牛坑腩魚蛋河粉和招牌醉香鴨舌.

牛坑腩魚蛋河粉上枱時, 我的焦點已集中在牛坑腩上.

牛坑腩份量不少. 每一件也切得好靚, 可見師傅的技巧.

每件牛坑腩肥瘦分怖有條理, 中間部份瘦, 而上下連住一些肥. 牛味不俗. 最重要是夠腍, 不會覺得硬和乾.

想惹味一點, 可以點佢地自家制的辣椒油和辣椒醬.

魚蛋是自家制, 幾彈牙, 又幾有鮮味.

河粉幾滑身.

再試埋小食招牌醉香鴨舌.

鴨舌浸滿了酒, 入口有酒香味, 不會太勁, 幾香醇.

單食一碗粉有點不夠, 加上這個小食, 是不錯的選擇.