悠閒飲茶@跑馬地壹玖捌叁

早前趁星期日放假, 去了位於跑馬地壹玖捌叁食午飯. 即使是假日, 也有午市套餐供應.

這裡是用ipad 點菜, 客人可以一邊見到款式的圖, 接着一邊落單, 非常方便.

我地點了午市套餐.

首先, 上枱是三款點心, 包括舞茸素餃, 晶瑩蝦餃皇和豉油皇香煎腸粉.

每款點心賣相精緻.

舞茸素餃和晶瑩蝦餃皇也是皮薄餡靚. 薄到可以隱約見到餡料.

素餃內裡有沙角, 入口爽爽地, 幾清新.

而蝦餃夠彈牙, 仲好大隻.

豉油皇香煎腸粉煎到外皮有微微的硬身, 加上蒽, 幾惹味, 有需要可以點醬料.

肉類點了薑蒽生煎雞.

這個上枱時已聞到香味撲鼻. 雞肉幾嫩滑, 幾惹味又唔會太咸.

海鮮點了蝦籽百花煎釀帶子.

它不但賣相別緻, 仲啖啖肉, 肉是蝦籽混入帶子, 所以好彈牙, 又夠鮮味.

食了肉類和海鮮, 要食蔬菜中和一下, 這款金菜蒸時蔬就啱晒, 菜面舖了梅菜, 甜甜地, 幾好味.

欖菜粟米松子炒飯. 松子幾香, 炒飯唔算太油膩. 粒粒飯都夠乾身. 當中加入了欖菜粟米, 幾有口感.

甜品是雜果紅豆糕和南瓜軟餅.

這兩款甜品一凍一熱, 而且款式幾特別, 其他店舖較少食到.

南瓜軟餅煙煙韌韌, 又唔會太甜, 又有淡淡的南瓜味.

雜果紅豆糕內有大量紅豆, 幾有口感, 紅豆軟硬適中.

這裡每款菜式也是小碟奉上, 已經分好每人份量, 不用自己動手. 而且這裡的服務非常之細心.