沖繩料理@Antoshimo Cafe & Bakery

之前朋友提及一間食沖繩料理叫Antoshimo Cafe & Bakery的店幾味, 但在新蒲崗, 對於我來講比較唔就腳, 最近得知在荷李活廣場開咗新店, 就同朋友去.

店內的裝修幾靚.

不過服務還有進步空間, 我坐咗好耐, 沒有侍應拎水俾我, 直到我出聲, 但他們並不是忙着,

這裡有多款套餐, 並奉送熱或凍玄米茶.

另外可以加錢轉特飲或其他小食.

我和朋友也是點了A Box 沖繩苦瓜奄列配漢堡扒宮城素肉鬆飯和熱玄米茶.

我幾鍾意佢地用來裝茶的杯, 因為有隔熱功能, 內裡的茶是熱, 但杯是完全不熱.

Box Set上枱幾精緻, 內裡除了有沖繩苦瓜奄列, 漢堡扒宮城素肉鬆飯外, 仲有沖繩芝媽咪水雲鰹魚麵豉湯, 海葡萄, 芝麻醬水雲野菜.

沖繩芝媽咪水雲鰹魚麵豉湯味道不錯, 當中的水雲是海藻, 這是我首次食, 入口帶點爽身.

芝麻醬水雲野菜, 水雲配上芝麻醬, 口感和飲湯的不同, 再混入野菜, 感覺幾清新.

沖繩苦瓜奄列, 苦瓜唔太苦, 帶點爽身, 與蛋幾配合, 若蛋再滑身一點更好味.

漢堡扒宮城素肉鬆飯個咖喱醬幾香, 帶點微辣, 幾啱不太食辣的我. 但漢堡扒份量就太細件.

我自己沒有食過沖繩料理, 所以覺得菜式幾特別, 若份量大一點會更好.