食飯聚一聚 - 新泰東南亞餐廳

早排出街食飯多數食日本野, 所以今次食飯轉轉口味, 改為食泰國野, 今次去了灣仔的新泰東南亞餐廳食晚飯.

我地點了小拼盤, 馬拉盞通菜, 日本南瓜焗海鮮飯和泰式蝦炒金邊粉.

小拼盤有蝦餅和魚餅.

蝦餅和魚餅的肉質夠彈牙, 當中魚餅味道較為濃郁~

魚餅同我平日食的有點不同, 饀內加了一點點香料, 微微辣, 幾惹味.

泰式蝦炒金邊粉的賣相幾靚, 飯面是以蛋整成一個網.

金邊粉幾煙靱, 口感不俗. 而味道就偏向濃味一點, 好啱我的口味.

試咗金邊粉, 就試埋焗飯. 日本南瓜焗海鮮飯是用完個南瓜上碟. 忌廉汁好滑, 幾香, 又唔會太膩, 忌廉汁配海鮮飯是好配合. 若南瓜也可以食就更好.

食泰國野, 當然要點馬拉盞通菜, 這碟菜分量也算多. 由於我唔食得辣, 所以叫佢少辣, 但仍然惹味.

這裡環境算不錯, 適合三五知己食飯和傾計.