不錯午餐小店 - Seguro Deli

平日多數帶飯的我, 上星期經朋友介紹去了北角蜆瞉街一間Seguro Deli小店食午餐.

我點了午餐, 可以自選一款主菜, 可以選擇飯, 意粉或三文治, 再配上凱撒沙律和餐湯或飲品.

我點了車打芝士牛肉三文治套餐跟雜菜湯.

凱撒沙律的蔬菜入口好脆, 有口感, 非常新鮮.

雜菜湯幾清, 味道唔會太咸, 沒有太大特別.

車打芝士牛肉三文治是即叫即整, 所以上枱時已聞到香味, 仲要是熱辣辣.

這款三文治的饀好足料, 牛肉好多呀, 除了車打芝士外, 仲有洋蔥. 炒咗的洋蔥好好味, 洋蔥和牛肉是最佳拍檔, 再加埋芝士, 真係一食就唔停得口. 若芝士份量再一點會更好味.

食完這份三文治, 真是好滿足和好飽, 下次有機會要試下車打芝士雞肉.

這附近一帶仲有一些特色小店, 在附近工作的朋友可以來這裡試試, 下次又試下其他小店先得.