愛食甜的我多一個選擇 - 糖太子甜品

較早前去完活動後, 同好友去了糖太子甜品食野, 絶對啱晒愛食甜品的我.

初時以為食甜品為主, 原來也提供午餐, 下午茶和晚餐.

我點了燒汁鴛鴦扒伴意粉, 可以從豬扒, 牛扒和雞扒中選兩款, 我選了雞扒和牛扒.

首先奉上餐湯, 當日餐湯是忌廉磨菇湯.

個湯算幾滑身, 但磨菇味再濃一點會更好.

接着, 主菜上枱, 燒汁鴛鴦扒伴意粉份量幾大.

意粉軟硬適中, 牛扒肉質幾好, 不算太硬, 相對下, 雞扒就一般, 下次有機會要試埋豬扒.

餐飲點了花茶, 當日是苿莉花茶, 幾好飲, 對於愛甜的我, 甜度可接受, 否則會覺得甜了一點.

食完正餐, 當然要點甜品, 這裡太多選擇, 都不知擇那一款好, 最後我點了魔盜船, 因為想試下這裡節窩夫.

魔盜船同香蕉船無分別. 最底是一些生果, 再加上雪糕, 窩夫和香蕉. 窩夫幾鬆脆, 其他就無太大驚喜.

反而見到友人的甜品杯, 賣相好吸引, 下次要試試.

套餐的價錢不太貴, 而且份量又幾大, 同三五知己來這裡傾計食野都不錯.