食物質素不俗的越式餐廳 - Le Viet

無見好友一排, 上星期約了出來, 我地去了The One Le Viet食晚飯. 這是我地首次來這間店食.

我地點了青木瓜絲大蝦沙律, 越式拼盆和椰青海鮮焗飯.

青木瓜絲大蝦沙律, 份量幾大碟, 內裡有青瓜絲, 紅蘿白絲, 芽菜, 再配上大蝦, 而醬汁是另上, 每個人可以因應自己的喜好混入醬汁.

青瓜絲, 紅蘿白絲和芽菜好新鮮, 入口好脆, 沙律好清新, 混入酸酸甜甜的汁, 非常醒胃.

越式拼盆包括越式春卷, 扎肉蒸粉包, 炸蝦餅和豬頸肉. 可以一次過試晒四款小食, 我自己就好鍾意.

扎肉蒸粉包要趁熱食, 我自己鍾意食扎肉, 這個味道調教得不錯, 幾惹味.

越式春卷就相對較為脆口, 仍然脆, 唔係一早炸好. 再點上甜酸汁就好夾.

炸蝦餅蝦味略為不夠, 肉質也算有彈性, 我自己鍾意配上甜酸醬.

豬頸肉肉質唔會過硬, 味道適中.

椰青海鮮焗飯是整個椰青上枱, 內裡有不少海鮮, 非常豐富, 再加上椰汁. 上枱已聞到好香的椰汁味, 椰汁滑但又唔會太膩.

這間店的食品, 整體水準算不俗, 價錢也不算貴.