放工後與朋友來燒一燒 - 雷橋燒肉日本料理

銅鑼灣近我返工的地方, 所以我也會選擇在這區食晚飯, 上星期去了位於銅鑼灣的雷橋燒肉日本料理食飯.

這是一間以烤肉刺身放題為主的食店.

食主菜前, 先食沙律. 我地點了雷橋沙律, 蟹籽沙律和枝豆.

蔬菜算幾新鮮同汁幾夾. 這個餐前沙律幾醒胃.

接着, 就是刺身. 本來對於不食魚生的我, 刺身一定無我分. 但這裡的刺身竟然有幾款是熟食, 包括蟹棒, 蛋和鮑魚仔. 這幾款味道不錯, 其中最愛蟹棒.

朋友話刺身也算新鮮和甜美, 當中甜蝦和帶子最好味.

跟着, 就是主菜 - 烤肉出場.

不論牛或是豬, 也有不同的部位和款式.

牛肉有七味蜜糖牛舌肉, 一口牛肋肉, 蔥醬油牛胸腹, 岩鹽美國極上肩胛肉, 蔥醬油帶骨牛肋肉等…

豬肉有七味五花肉, 醬油豬頸肉, 里肌肉, 黑椒蒜鹽肩五花肉等…

不論牛肉或是豬肉, 醃製的味道不錯. 我自己較愛食牛肉, 尤其是牛舌更是我必點的食品.

肉類經過醃製, 再去烤熟後, 肉質也算嫩滑. 有需要的話可以再點燒肉汁.

除了各款肉類. 當然少不了海鮮, 其中最吸引我就是大虎蝦. 肉質彈牙, 而且啖啖肉.

其他海鮮仲有秋刀魚, 帶子, 螺, 青口, 墨魚, 蝦等… 螺是辣, 我自己較愛食秋刀魚和帶子, 夠鮮味.

烤肉期間, 最好有一些熟食可以即時食, 這裡的炸物也不錯, 炸槳不會過厚, 入口幾鬆化.

食咗咁多食物, 當然要食嘆番一杯雪糕, 有綠茶和朱古力味選擇, 我當然點了我最愛的朱古力味, 仲要係MOVENPICK, 有點喜出望外.

就這樣食下講下, 過了一個愉快晚上.