在炮台山返工的我, 平日多去銅鑼灣食晚飯, 卻甚少踏足跑馬地, 畢竟覺得價錢太貴. 不過今次去了跑馬地的壹玖捌叁食飯後, 卻改變了這個想法.
店舖外觀富有中國色彩, 門口有一對對聯.
入到店內, 裝潢也帶點中國色彩~
最特別之處是洗手間門牌用上娘子和相公.
雖然怖置富有濃厚中國色彩, 另一方面卻使用iPad 餐牌, 客人可以細閱每道菜, 並落單, 方便顧客, 與時並進.
今次我地點了兩人套餐.
前菜有老式烤麩和蒜泥白肉卷.
烤麩口質適中, 唔會過硬或過軟身, 醬汁也好好味.
蒜泥白肉卷中的蒜泥好香, 這前菜味道相對無咁濃, 和烤麩起了中混作用.
燉湯我點了舞茸螺頭燉竹絲雞.
朋友點桑寄生螺頭燉豬展.
兩款燉湯入口已飲得出好鮮甜, 食材很豐富. 每款食材的配搭也很夾, 入口已能分辦出和平日的湯有所不同.
主菜選了薑蒽生煎雞, 蝦籽百花煎釀帶子和金銀蒜白玉蒸龍躉球.
每款菜式細細碟, 賣相又精緻~
金銀蒜白玉蒸龍躉球上枱時已覺得好精緻. 龍躉球肉質鮮味, 又夠厚身和彈牙, 完全無魚腥味. 我自己最愛用蒸的方法, 最能帶出魚的味道出來, 豆腐好滑身.
薑蒽生煎雞的雞幾嫩滑, 平時配上薑蒽, 多是醬爆, 生煎感覺較原汁原味, 可以食出雞的鮮味.
蝦籽百花煎釀帶子, 入口時, 外層的醬汁混合了蝦籽, 幾惹味. 內裡肉質好彈牙和口感豐富, 而且仲啖啖肉. 另外, 以菜放底, 肉加菜一齊食, 可以中和番.
欖菜粟米松子炒飯是用小鍋上枱, 一打開香味撲鼻. 色彩豐富, 味道不俗, 而且米是一粒粒分開, 較為爽身.
甜品是南瓜班蘭煎軟餅和紫薯金沙球.
兩款甜品的配搭好特別, 從未試過這樣食法.
本身唔是太愛食班蘭, 但南瓜餅裡加入班蘭, 味道不錯, 而且軟餅帶點煙煙靭靭, 口感不錯.
紫薯金沙球有我最愛的流沙奶黃做餡料, 一切開已經流出好香的奶黃, 加上紫薯的清甜, 味道剛剛好, 唔會太甜.
我鍾意每碟菜式也是獨立每人一份上枱, 不用自己分, 賣相精緻, 服務也好貼心. 而且這裡沒有限時, 可以一邊傾計, 一邊慢慢食.
沒有留言:
發佈留言