價錢超值, 特色小菜 - 打冷鎮小菜打冷茶餐廳

早前同朋友去了位於尖東半島中心的打冷鎮茶餐廳食晚飯, 平日來這裡多是食火鍋, 今次首次來這裡.

這裡有三款晚市套餐選擇.

我地點了供二至三人用的晚市套餐, 包括湯, 兩款小菜, 飯或粥和飲品, 都不超過二百蚊, 仲要免加一. 真的估不到在尖沙咀區仍然可以揾到價錢大眾化的晚市套餐.

侍應先奉上注滿熱水大碗, 內裡有匙和碗, 這樣我自己不用再洗, 好細心呢~

難得見到胡椒豬肚湯, 所以就點了這個. 平日湯是每人一碗, 這裡是一窩上, 啱晒鍾意飲湯的我.

這個湯材料也算多, 而且味道尚算可以, 好香的胡椒味.

我地選了一個飯和一個粥.

小菜點了話梅豬手煲和拍蒜涼瓜爆蝦.

我見話梅豬手煲幾特別, 因為我較少食用話梅整的豬手. 豬手幾入味, 忟得幾淋, 加上個汁酸酸甜甜, 好啱夏天食, 特別醒胃. 若豬手再多肉一點會更正.

煲內有不少話梅, 而且仲有菜. 菜吸收晒話梅和汁的味道, 所以好入味.

拍蒜涼瓜爆蝦又是較為濃味的小菜.

涼瓜甘甘地, 煮得唔會太淋, 幾有口感. 相對蝦就無咁夠味.

兩個較濃味的小菜配粥就啱晒.

來茶餐廳食飯, 當然要點番一杯熱鴛鴦, 我已經好耐無飲過, 咁就好完美啦~

有機會大家可以來這裡試小菜, 而且又唔算多人, 可以一邊食飯, 一邊傾計, 在尖沙咀區都較少揾到啦~