價錢適中, 份量又不少 - 天機棧扒房

較早前同好友食晚飯, 朋友推介去旺角天機棧扒房.

去到我地點了廚師推介2位用.

頭盤我地點了白酒煮新鮮花甲, 餐湯是黑松露野菌磨菇濃湯.

主菜點了炭燒西班牙豬肉眼配香煎法國鵝肝和美國春雞釀黑松露菌汁意大利飯.

甜品點了金沙朱古力心太軟和芒果酥皮拿破崙.

白酒煮新鮮花甲是即場煮, 可以在佢旁邊見住整個過程.

味道尚算不錯, 若花甲再厚肉一點更好.

黑松露野菌磨菇濃湯帶有松露香味, 幾滑身, 個湯再濃味一點更好.

接着主菜出場.

美國春雞釀黑松露菌汁意大利飯, 上枱已經好吸引, 這是原隻雞上枱.

切開後, 香味四濺, 雞內釀滿了飯, 意大利飯不但吸收晒雞的精華, 而且充滿黑松露菌汁的味道, 非常好味.

雞肉肉質也嫩滑, 唔會過硬.

接着是炭燒西班牙豬肉眼配香煎法國鵝肝, 賣相吸引.

豬肉眼肉質同樣嫩滑, 味道適中, 不會過於咸.

鵝肝不算好大塊, 但外脆內嫩, 口感不錯.

兩款主菜的份量也不少. 三個女仔食都夠呀~

最後, 甜品當然不少得.

先來金沙朱古力心太軟.

切開後, 尚算流心, 內裡有一粒金沙, 朱古力幾香濃, 甜味適中.

芒果酥皮拿破崙, 這個就一般, 沒有特別.

整體來講, 這間餐廳食物水準不錯, 這個二人餐大約四百幾蚊, 價錢適中,可以再來一次呀~