咸的蛋糕你試過未? - BlissHIVE 煙三文魚芝士蛋糕

愛食甜品的我, 間中也會放工後食一個甜點. 早前我就去了位於大坑的BlissHIVE食甜品.

大坑也算近我返工的地方, 所以來這裡都好方便.

今次點了BlissHIVE三重奏.

一共有兩款三重奏, 一款是兩件蛋糕加Haagen Dazs雪糕配焦糖脆脆, 另一款是一件蛋糕, 一個法式焦糖燉蛋加Haagen Dazs雪糕配焦糖脆脆.

睇了蛋糕櫃的款式, 已經被當中唯一一款咸的蛋糕所吸引住, 所以我決定要兩件蛋糕, 這裡的蛋糕每日款式也有不同.

最後, 我點了煙三文魚芝士蛋糕和皇家朱古力蛋糕.

我食咁耐甜品, 從未試過食咸蛋糕, 究竟味道怎樣, 好期待呢~

甜品上枱啦~

首先, 我怕雪糕溶, 所以先食雪糕, 味道有朱古力, 呍呢嗱和士多啤梨三款選擇, 我點了士多啤梨味.

雪糕面上加上焦糖脆脆和朱古力醬, 同士多啤梨幾啱, 一酸一甜.

食完甜, 當然要食一件咸蛋糕中和一下.

煙三文魚芝士蛋糕是選用挪威的三文魚, 加入新鮮香草和兩款芝士, 味道較濃郁, 啱晒鍾意食濃味的我.

雖然混入三文魚, 但魚腥味唔算大, 已經被香草和芝士蓋去大部份, 我自己幾鍾意這款咸味蛋糕, 有機會大家要試下~

最後, 就是我最愛的皇家朱古力蛋糕.

這個採用了60%濃度朱古力, 當中混入了橙酒, 所以入口有淡淡的酒香味. 蛋糕上半部份是cream狀, 所以好滑身, 可能我食開75%或以上濃度朱古力, 對於我來講, 朱古力味略為唔夠濃.

整體來講, 這裡的蛋糕賣相精緻, 味道也不錯~