開心歡聚 - 王家沙

經過一星期忙碌工作, 星期五就約了好友一齊食飯聚一聚, 輕鬆一下, 今次去了位於旺角新世紀的王家沙.

前菜點了醉嘉美雞, 四喜烤麩, 蒜泥白肉卷和三絲粉皮.

三絲粉皮我是喜愛的前菜之一, 差不多每次食上海野也會點. 我喜歡佢的醬夠濃, 又夠滑.

四喜烤麩的雲耳和烤麩入味, 但味道不會過咸.

蒜泥白肉卷面頭有一些辣醬, 唔算太辣, 幾醒胃, 全靠這個獎帶起肉的鮮味.

對於不太飲酒的我, 這個醉嘉美雞酒味勁了一點, 不過真係好香, 雞肉又夠滑.

小食必點蘇式鮮肉小籠包和牛肉餅.

小籠包要趁熱食, 內裡有好多肉汁, 夠鮮甜.

 

牛肉餅的牛肉肉質不會太乾, 餅皮又不算太厚身.

小菜點了清炒河蝦仁, 乾煎小黃魚, 上海話梅骨和鮮豆板時蔬.

有小菜要配麵飯一齊食, 點了嫩雞煨麵和家鄉金腿上海炒飯.

乾煎小黃魚的黃魚夠大條, 但對於我來講略為腥了一點.

上海話梅骨, 個汁酸酸甜甜, 好醒胃.

清炒河蝦仁的蝦仁肉質幾彈牙, 若蝦味多一點更好, 這個配上海炒飯一流. 炒飯夠爽身, 每粒飯是分開, 又夠香.      

食了幾款肉類, 當然要食菜中和一下.

嫩雞煨麵麵質較軟身一點, 啱我口味. 而雞肉是切粒, 所以略為不夠口感.

甜品不可少, 點了高力豆沙和薑汁鴛鴦湯丸.

高力豆沙賣相吸引, 新鮮熱辣, 上枱已香噴噴. 內裡的紅豆餡甜度適中. 來這裡必定叫這個.

湯丸包括芝麻和紅豆味, 但一碗得兩粒湯丸, 份量較少. 糖水夠薑味, 但唔夠甜.

就這樣一邊食, 一邊傾計, 過了愉快的一個晚上.