'雙重流心' 奄列飯和 '七層不同口感' 忘不了朱古力蛋糕 - niji bistro

早前去了位於中環的niji bistro食飯.

這裡蛋奄列飯出名, 我當然要一試啦~

我點了熔岩奄列配三文魚籽鮑貝飯伴菠菜爆汁.

這個奄列飯賣相同我平日食開有點不同. 蛋是脹卜卜一層蓋在飯上. 而飯裡有好多的三文魚籽, 顏色好奪目, 賣相吸引.

之後, 侍應會用刀切開奄列飯, 會見到半熟蛋漿溢出.

接着, 侍應會再一刀, 就會見到菠菜溢出. 這時我就可以慢慢嘆我的蛋包飯.

蛋好嫩滑, 而飯裡有菠菜, 三文魚籽和鮑貝. 這三樣混合蛋一齊食, 味道剛剛好, 配搭一流. 若鮑貝分量多一點更好.

食完主菜, 要點一個甜品才夠完美.

最愛食朱古力的我, 當然要點這裡的忘不了朱古力蛋糕. 因為能一次過感受七重朱古力的味道.

經過四至五小時製作過程, 並用上2000蚊以上的絶版Nonitake瓷碟盛上.

這個蛋糕的朱古力底層最純, 而面層就最甜.

第一層：底層用朱古力脆脆
第二層：滋味朱古力層
第三層：可可糖漿

第四層：朱古力海綿蛋糕

第五層：朱古力慕絲
第六層：玻璃朱古力糖片

第七層：面層用朱古力薄片

我想一刀切下七層都有點難. 蛋糕朱古力味好香濃, 特別愛餅底, 好脆, 有口感. 而中間的朱古力慕絲好滑. 鍾意食朱古力的朋友一定要來一試. 真係會一試愛上, 不過價錢就略貴, 要$68一件.

這個蛋糕美中不足的地方時面層的薄片不完整, 右下角裂開咗.