開心的一晚 - 又一城 Greyhound Cafe

新年前去咗位於又一城的Greyhound Cafe食晚飯.

                                       

今次我地點了招牌脆炸單骨雞翼, 脆炸粟米蟹肉餅配甜酸醬和軟殼蟹沙律配蜜糖芥末醬.

本身鍾意食這裡的招牌脆炸單骨雞翼, 差不多每次來也會點一客.

這是炸, 但不算太油膩, 算幾乾身, 而且單骨雞翼食的時候較為方便.

脆炸粟米蟹肉餅外層脆漿唔算太厚, 加上有一些粟米粒係外層, 口感不錯, 內裡的蟹肉餅唔會太乾, 即使不點甜酸醬也夠味.

我鍾意食軟殼蟹, 點了軟殼蟹沙律配蜜糖芥末醬, 軟殼蟹是全隻上碟, 仲好大隻添…. 配菜一齊食就啱啱好.

主菜點了鮮蝦炒金邊粉和香草辣椒炒雞肉碎配白飯.

鮮蝦炒金邊粉幾惹味, 啱晒鍾意濃味的我. 上枱是碟邊放了一些芽菜和香料, 可以因應自己的口味而加入.

而金邊粉麵質較為硬身, 較有咬口.

香草辣椒炒雞肉碎配白飯賣相較為普通, 但估唔到味道不錯呀. 對於唔食得辣的我, 這個只是少許辣, 令我更醒胃.

甜品當然唔少得, 今次點了新鮮椰子千層蛋糕. 這個真是幾特別, 唔係咁多餐廳有得食. 椰子肉好鮮甜, 再加埋忌廉, 真係好夾.