專屬我個人口味的拉麵 - 麵水拉麵

近年日本拉麵成為一股新熱潮, 好多拉麵店相繼登陸香港, 其中以銅鑼灣競爭最大, 上星期好開心能夠出席『BlogDB x 麵水拉麵試食活動』.

先來一支波子汽水.

這款有三款前菜, 可以伴拉麵食, 包括海帶蘿蔔絲, 酸青瓜和蘿蔔絲, 任君選擇, 我自己愛食海帶蘿蔔絲, 微微辣, 而青瓜就夠醒胃.

對於胃口較大的人來講, 一碗拉麵未必夠, 所以這間店推出咗珍寶size, 是普通拉麵的兩倍分量, 真係照顧周到.

這裡有三款拉麵. 首先試下麵水豚骨叉燒拉麵. 湯底比較清淡, 但卻好香. 而這裡的拉麵是每日新鮮製造, 所以麵質較好和彈牙.

佢地的叉燒和我平日食的好不同, 佢地是薄薄一大片, 好似薄牛肉, 而且是瘦, 無乜肥肉, 但入口完全唔會覺得鞋, 啱晒我愛食瘦的我.

配料也不可以忽視, 半熟蛋好味道, 加上木耳絲和紫菜, 好夾.

接住, 我就試下特濃豚骨豬軟骨拉麵. 這個湯底明顯濃好多. 麵也掛上湯汁, 我自己本身是鍾意較濃味, 所以這個啱晒我. 豬軟骨有點咬口, 肉質鮮美. 即使我不停飲湯, 但唔會覺得口渴.

最後一款是地獄湯底叉燒拉麵, 佢最特別之處是碗中有一個自家制辣球. 辣球由四款不同的豆板醬整成, 當中更加入肉碎.

對於唔食得辣的我, 這個是好辣. 但愛食辣的人士, 一定愛食這款, 而且你仲可以挑戰辣度, 可以加辣球.

左邊那碗是珍寶size, 而右邊是普通size, 感覺幾震撼.

另外, 佢地就是用以下那支產品去測試一下湯的濃度, 當加入湯後, 就會顯示湯的濃度是幾多.

每個人食拉麵的口味也有不同, 在點拉麵時, 可以隨意選擇自己喜愛的口宲, 這是最好不過, 能夠一次過試晒三款不同口味和質感的拉麵, 感覺非常好

.

地址:

銅鑼灣駱克道470號地下