元朗覓食記 - 薄荷葉泰國菜

我自己鍾意食較濃味的嘢, 所以泰國菜也是我一個幾鍾意食. 上星期就入咗去元朗的薄荷葉泰國菜.

 

平日我是甚少入來元朗食飯, 今次多得在元朗居住的朋友帶路.

食泰國菜, 我必定會飲椰青, 朋友就點了青檸梳打. 棷青幾清甜, 再大個一點會更好, 因為好快飲晒.

首先, 我地點了酸辣鳳爪沙律, 這個前菜酸酸辣辣, 好醒胃, 不過對於唔係太食得辣的我, 就辣咗一點.

跟住, 我地點了泰式燒蠔和泰式燒豬脾仔.

每一雙蠔都好大隻, 幾肥美. 平時食法我多數是火鍋, 炸或焗蠔, 好少泰式食法, 較為特別. 佢個汁是酸酸地, 但無剛才的沙律咁辣, 啱晒我食.

至於燒豬脾仔就配以沙律, 這個配搭不錯. 食完濃味的食物, 食番一些沙律, 即時覺得好清新. 豬脾仔入味, 只是肉稍為少咗d, 選用大隻一點的豬脾仔會好些.

另外, 我地還加了薄餅和馬拉盞介蘭.

這個薄餅上枱時仲熱辣辣. 雖然我地只是就咁淨食薄餅, 但已經夠味, 因為散發出好香的牛油味, 唔會過硬.

至於馬拉盞介蘭就一般沒有特別.