雖然我是住在沙田, 咁近馬場, 但我從來都無入過去. 上星期我就首次入馬場, 不過是去跑馬地.
今次好開心出席咗『BlogDB x Adrenaline Oktoberfest 啤酒節 』的活動.
到達Adrenaline, 職員安排坐低.
由於是德國啤酒節, 所以枱上也放德國國旗擺設和一些啤酒推廣.
第一次來這裡食自助餐, 睇下有咩食先.
有各式各樣的冷盤和湯~
熱食也不少得, 由於是德國啤酒節, 所以也有一些德國食品, 如德國腸, 酸菜等~
當然少不了甜品和生果拉~
入到馬場, 親身感受一下現場睇賽馬的情況, 開跑的時候, 大家也集中精神睇比賽, 接近衝線一刻,
各人也希望自己買的那一隻馬能夠勝出.
相對平日的自助餐, 這裡的款式選擇唔算多, 但食物水準卻不錯. 其中有幾款是我至愛.
我鍾意佢地個Shrimps in paulaner beer broth, 蝦肉算彈牙, 配合三色椒和洋蔥一齊煮, 好夾和好味道.
另外, 我也好鍾意homemade farmer’s
meat loaf, 食入口的感覺有點似午餐肉, 但有肉味, 又唔會太咸.
我特別推介這裡的甜品, 雖然款式得幾個, 但款款質數也不錯.
最愛食朱古力的我, 當然最留意朱古力慕絲, 細細杯裝着,
賣相不俗. 而朱古力味濃郁, 入口香滑, 又唔會過於甜. 對於我來講, 食一杯絶對不夠.
一邊聽歌, 一邊食嘢,現場氣氛好好, 真是好享受~
現場仲安排咗畫畫師, 即場同你畫人像, 佢好好人, 又搞笑.
咁開心, 當然要影番張大合照啦, 就這樣過了一個情緒高漲的晚上.
提提大家, 9月25日 「快活谷啤酒節」將有莊思敏(Jacquelin Ch'ng) 和 傅嘉莉(Kelly Fu) 到場參與「快活谷啤酒節」的遊戲, 記得準時入場齊齊玩.
沒有留言:
發佈留言