我愛炒雪糕和雪糕麵包盒 - SPACE BY LASSANA

近年以甜品做主打的店舖越開越多, 上星期又去試咗一間較新開的甜品店, 位於旺角的SPACE BY LASSANA.

 

佢地主打自家制雪糕, 麵包和蛋糕, 自家炒咖啡豆, 咁當然要一試.

 

佢地有六款麵包選擇, 我就揀咗火腿芝士牛角包配鮮奶咖啡.

這個牛角包是主角, 好鬆脆, 牛油味也濃. 內裡除了火腿和芝士外, 仲夾了不少新鮮的菜和蕃茄, 唔會覺得太膩.

 

食麵包, 我愛配咖啡. 本身鍾意飲多奶的咖啡, 這款就啱晒我, 咖啡幾香, 拉花幾靚呀~

接着, 就係甜品出場. 佢地的雪糕麵包盒賣相吸引, 見到人地食已經流晒口水, 但一個麵包盒份量都幾大下, 所以今次人少就無試, 唯有留番下次.

雪糕口味也有成十款.
 

而我就揀咗炒雪糕, 佢地有好多不同款式, 我最後揀咗松鼠樂園. 

 

我睇住佢係度炒雪糕, 當中仲加入不少配料, 例如朱古力醬, 果仁, 朱古力粒等, 再放入窩夫杯內, 再加埋朱古力條, 朱古力餅, Macaron做裝飾就完成, 好吸引.

 

雪糕好滑, 而且當中混合咗一些配料, 所以有口感.

 

佢地都有唔少優惠.

 

惠顧雪糕產品一百元或以上, 用匯豐信用咭, 可以獲得28元或以下的飲品一杯.

另外, Like Lassana Limited的Facebook Page, 貼上甜品的圖片和留下一小段感想, 就能獲贈$30現金券.