唔食得辣都可以一試印度菜 - Basmati 印度皇

平日出街食飯, 多數食日本嘢或西餐, 朋友話今次想試下新嘢, 所以就選咗位於上環的印度皇食印度嘢. 印象中, 我只食過 一兩 次印度菜, 因為我唔多食辣, 但一次半次就無所謂.

 

坐低後, 侍應先奉上小食, 都算幾脆, 有兩款醬點.

由於我唔係咁食得辣, 所以就選咗一些少辣的款式.

第一款是Basmati Chicken Tikka.

 

它是用鐵板上, 送上枱時已經香味四濺, 初時擔心用鐵板上雞肉會較乾身, 但結果不是, 當中保留着一點點的肉汁, 幾嫩身, 配合埋洋葱幾野味, 最重要係唔多辣, 絶對啱晒我口味.

第二款是Prawn Masaia.

蝦不是用大蝦, 幾爽口, 但唔夠鮮味. 它個汁好好味, 幾醒胃, 而且只係少少辣.

第三款是Saag Paneer.

 

這款個賣相是一般, 但來到食印度野, 當然要試下一些傳統食品. 我本身鍾意食芝士, 這個芝士和我平日食開有點不同, 食落好似有點咸咸地的感覺, 配合埋菠菜, 幾特別, 這個係完全唔辣.

單單食這幾個餸總時覺得欠缺一些嘢, 就係印度的傳統薄餅. 我地叫了兩款, 一款是Garlic Naan, 另一款是Paratha.

Garlic Naan是帶少許蒜味, 幾鬆軟.

 

Paratha就有點不同, 佢是較脆身, 可口一點.

兩款也可以撕出來就咁食或者是點汁. 我自己鍾意點汁, 因為更滋味.

食辣嘢, 飲品唔少得, 我點了Mango lassi, 幾好飲, 一邊食濃味的菜式, 要飲番杯飲品清新和降下火, 所以好夾, 若芒果味再濃一點就更好.

 

食完這餐後, 發現唔係咁食得辣的我, 也可以選擇性食印度菜.