環境恬靜, 食物質素不錯的日本餐廳 - Hatsu Japan Restaurant

早前同朋友去咗位於中環美國銀行中心的Hatsu Japan Restaurant食晚飯.

由於是閒日關係, 所以唔多人, 最啱就是傾下計, 慢慢食.

職員安排坐下後, 先奉上綠茶, 個杯和茶壺都好精緻.

 

我同朋友也點了吉列豬扒晚市套餐.

由於我唔食刺身, 所以幫我轉咗個沙律.

首先, 來兩款前菜. 一款是小魚仔, 帶點微辣, 餐前食夠醒胃.

另一款是雜錦, 樣樣一小件, 好精緻, 凍蝦好鮮味, 甜蛋好滑.


 

接着, 就是三文魚刺身, 朋友話夠新鮮, 但魚味略為不夠.

 

而我的沙律是以疏菜為主, 好新鮮.

再來是煮物, 當中有魚, 蘿蔔和茄子. 魚質感也算滑, 魚味多一點會更好.

 

終於來到主菜啦~ 鹿兒島吉列豬扒. 上枱時已見到好大塊豬扒, 分量十足, 仲有三件天婦羅和椰菜做配菜.

 

炸豬扒的脆漿不會太厚, 入口也算鬆化, 炸得幾乾身, 唔會有油淋淋的感覺, 再配埋椰菜就唔會太肥膩. 由於我自己鍾意食瘦的豬扒, 所以這個就啱晒我.

 

最後, 是甜品拼盆, 有檸檬雪芭和芝士蛋糕.

 

剛剛食完味道較濃的炸豬扒, 食番個檸檬雪芭中和番, 所以兩者好夾.

這餐晚餐食得好飽呢~ 計埋加一, 每位大約三百多元, 價錢是稍為貴一點, 但服務好, 環境又清靜, 也是可以一試的地方.