假日又一好去處 - 荷曄庭園景餐廳

一講起林村, 大家好自然會想起許願樹. 其實來到林村, 除咗要去下許願樹外, 也要到荷曄庭食嘢.

去到荷曄庭外圍, 已經被佢的環境所吸引. 門口兩旁有個養咗一些錦鯉的魚池. 之後, 就是一個露天茶座, 旁邊有一個荷花池, 而四圍也有不少盤栽作擺設.

 

由於這間餐廳幾個月前轉咗新老闆, 所以裝修上有所不同.

首先, 先來飲品, 湯和沙律.

我自己最愛椰青, 有些朋友要了青檸梳,打. 椰青好大個呀, 真係較少見, 水多又清甜, 夏天飲一流.

 

湯我最愛酥皮湯, 所以選了酥皮焗龍蝦湯, 也有朋友選了法國野菌忌廉湯. 酥皮即叫即焗, 一打開, 熱辣辣, 酥皮鬆化, 龍蝦湯也很濃, 仲有龍蝦肉.

 

沙律有特級八爪魚沙律和海蝦鮮果沙律. 我都係首次見有八爪魚沙律, 朋友話八爪魚好鮮味. 海蝦鮮果沙律也不錯, 當中有多款生果, 最啱鍾意食生果的我.

 

再來是頭盤, 西班牙純種黑毛豬火腿, 平時食, 大多數是配蜜瓜, 因為肉是偏咸味. 但這個和平日食的好不同, 單食已經可以, 不會太咸, 而且佢是較乾身, 口感也較佳.

 

進入主菜, 今次試咗黑松露海膽焗12吋非洲珍寶虎蝦, 好大雙蝦, 不但啖啖肉, 蝦肉也算彈牙.

燒紐西蘭羊鞍, 配有四款醬汁, 任 君選擇. 平日我唔係太食羊, 今次這個唔算太騷, 也不會太過乾身.

美國無菌黑豚豬配黑松露汁, 這個黑豚豬好厚身, 肉質好鬆軟, 配上黑松露汁, 好夾.

 

最特別是燒原隻荷蘭牛仔膝, 我自己是首次食, 真係好大, 之前需要預訂. D皮幾脆, 肉質也不錯.

 

除了主菜外, 記得要食埋d伴菜, 不論薯蓉或薯角都好好味.

最後, 當然唔少得甜品, 有朱古力心太軟, 薑汁梳乎厘和焗雪山.

 

最愛焗雪山, 平日較少食到, 上枱後, 侍應即是淋上酒, 再淋上朱古力醬. 外層是蛋白, 內裡有蛋糕, 雪糕和水果, 真係好豐富, 甜味適中.

這裡的老闆是一個好喜愛彈琴, 所以來這裡食飯, 有機會聽到美妙的樂曲.

這一餐真係相當豐富. 大家有興趣也可以入來一試.