首次食上海婆婆336

上星期去咗I Square的上海婆婆336食晚飯, 這是我首次來這裡.

 

首先來一個冷盤 -蒜泥白肉. 平日我多數是食肴肉, 今次想試下其他款式. 肉吸收晒D汁, 加上這個汁帶少許微辣, 好啱夏天食, 好醒胃.

 

接着, 我地叫咗黃金炒飯, 一上枱已經聞到好香. 雖然配料唔算太多. 但飯的硬度適中, 每一粒米都沾滿蛋.

另外, 我地點了砂鍋粉皮魚頭湯. 我去食上海菜多數點砂鍋雲吞雞, 但我見到這個魚頭湯幾特別, 所以點了.

個魚頭都幾大個, 加上配料有豆腐, 粉皮, 菜, 全部吸收晒魚的鮮味, 魚湯尚算鮮甜, 而且魚肉都好滑. 這個配炒飯最啱, 可以中和一下.

最後, 當然要食埋個甜品先完滿. 我地揀咗香蕉高力豆沙. 這裡的高力豆沙SIZE較細, 豆沙不會太甜, 所以每日兩件都唔會太多.