雞煲加火鍋, 兩種享受 - 品川雞煲放題

雞煲已經興起咗一排, 但我仍未有機會一試. 上個月頭終於有機會啦~ 我地一行十個人去咗北角品川雞煲.

今次我地是食雞煲放題, 先食雞煲, 再火鍋, 一次過兩種食法, 正.

這裡的雞煲有兩款, 一款是奇味, 一款是麻辣. 而辣道有分原味, 小辣, 中辣和大辣四款.

我地叫咗一個奇味原味, 一個麻辣小辣.

雞煲未來到之前, 先有一些小食俾大家, 卥水雞中翼和雞腳, 麻辣拍青瓜. 我自己最鍾意雞中翼, 好入味.

 

雞煲來到, 真是好香, 但也感覺到辣味, 原來原味都有小小辣, 但對於唔食辣的我, 這已經是辣. 食麻辣那邊, 不駛講, 真係辣. 不停叫野飲.

 

D雞好入味呀, 而且份量都唔少. 差唔多食完d雞, 就叫佢地加湯打邊爐, 款式都有唔少, 可以任叫.

 

由於未打邊鍋之前食咗唔少雞, 所以我主要食菜和丸, 最愛食響鈴, 芝心丸等, 全部入晒味.

 

個湯底真係辣, 我地不斷叫佢加湯, 令辣味減淡, 但我頂唔順, 直頭叫佢俾一碗清湯我, 我要浸下佢先放得入口……

食到飽晒, 每人都唔駛二百蚊, 價錢都可以, 所以愛辣人士可以來一試.

地址:

北角和富道96-110號僑裕大廈地下4號舖

電話 : 2578 8123