我的朋友知道我唔食魚生, 但偏偏我就最愛食日本菜. 其實唔食魚生, 都有好多選擇, 串燒就是我其中一款愛食的款式, 早前就去咗位於旺角的安安燒.
這間專食串燒的店舖, 有好多不同種類的串燒.
食串燒當然要配凍飲就最正, 這裡有啤酒, 汽水, 涼茶, 連白酒, 紅酒, 汽酒都有.
先來一些兩款餐前小食~烤獨家超滋味高級吊片魷和燒雞泡魚乾, 兩款各有不同, 喜歡淡味一點, 帶甜, 可以選雞泡魚乾. 喜歡惹味一點, 可以選吊片魷.
這裡的串燒種類繁多, 有肉類, 海鮮, 刺身, 蔬菜果瓜, 丸類同必試推介. 剛才那兩款也是必試推介, 仲試咗好幾款..
以下這款是我好鍾意食, 就是皇牌燒牛舌. 每人鍾意食的口感都唔同, 我自己鍾意食牛舌較厚身和入口較鬆軟, 唔係爽口薄身.
這個完全符合我的要求, 一試就不能停口, 又惹味.
另一款我愛食是芝士蒜蓉燒生蠔. 這個生蠔味道都不錯, 因為我自己鍾意濃味, 所以若芝士再多一點會更加好.
仲有芝士煙肉通心粉釀蟹蓋和首創果占釀牛丸, 我自己就首次以果占配牛丸, 酸酸甜甜, 幾特別, 創意無限.
我自己鍾意食海鮮, 蒜蓉燒扇貝和燒鮮味海蜆(蒜蓉).
火灸海膽墨魚串, 燒鮮味海螺串和沙茶醬燒深海大墨魚咀串.
食完海鮮, 也要點一些肉試下, 秘製醬燒雞中翼燒, 一口午餐肉和安安爆爽豬頸肉. 午餐肉夠厚, 雞翼又夠入味. 豬頸肉又啖啖肉.
食咗甘多串燒, 也要食一些蔬菜和果瓜. 清一清喉嚨.
我就最鍾意這個惹味蒜蓉生燒茄子, 真係原條茄子燒, 勁多蒜蓉, 所以好香. 愛食辣就啱, 這個都偏向辣, 尤其是中間部份, 所以不太愛辣的我會選擇邊位食.
仲有燒超美味一口甜薯, 一啖一粒, 又夠甜. 燒甜美地捫菠蘿, 燒韮菜, 惹味醬燒金菇和燒香甜粟米.
最後, 當然要食番個甜品. 見到有個叫甜蜜脆脆燒棉花糖夾餅, 幾得意, 可以試下.
這一餐相當豐富, 同三五知己來傾下計, 食串燒都好開心.
安安燒川式串燒專門店
地址: 九龍旺角染布房街6號地下
電話: 26172220
沒有留言:
發佈留言