哈佬喂又到啦~ 我相信大家又會打扮一番出席PARTY, 上星期五好開心能夠出席『U Beauty X NSI 教您製作哈佬喂特色soak off gel』工作坊.
當日到達位於尖沙咀的卓藝國際專業學院~
工作坊開始, 先由導師Mei示範一下過程~
首先, 要修剪一下指甲, 之後, 就要搽上底油, 再照一照機. 接着, 就搽上指甲, 為了配合哈佬喂主題, Mei選用咗黑色和橙紅色指甲油.
對於我來講, 極少搽這兩種顏色, 我多是選用有閃粉的淺色系列. 所以好有新鮮感.
Mei每搽完一隻手指, 就照一次機, 一共搽上兩層甲油.
大家睇完示範, 就要自己試下.
有好多不同的顏色俾大家去選擇. 揀定咗就開始啦~~
由於導師幫我搽咗一隻手, 我就搽另一隻手.
另外, 為了更有哈佬喂感覺, 可以選揀貼紙貼上指甲度, 或者可以搵Mei幫忙畫上圖案.
導師幫我畫上蜘蛛網和蜘蛛, 非常之搶眼和特別~
就是這樣油油和畫畫, 指甲就完成啦~
自己好少參與同指甲有關的工作坊, 這晚真係玩得好開心~
若果你都想日後參加唔同的工作坊, 記得登入U Beauty的網址,
佢地定時也會舉辦不同的活動~
沒有留言:
發佈留言