U Beauty親試團第一站 - Benefit chachatint 果漾脂胭水

星期二好開心出席咗U Beauty親試團第一站, 究竟個活動係點呢~ 等我同大家報導一下~

那天到達現場後, U Beauty的職員安排我坐底, 而枱上已經放咗各人的名牌, 問卷, 道具, 佢地也安排咗飲食和蛋糕俾大家~

 

而今次親試團第一站的主角是Benefit chachatint 果漾脂胭水~

 

我地會從易推度, 顯色度, 自然度, 防水度, 易卸度五方面去測試Benefit chachatint 果漾脂胭水~

首先, 我地先係手上搽上粉底液, 稍為等一陣, 就搽上脂胭水再推開, 分量不用太多, 只需要兩三滴在粉樸再搽就上可以. 這樣可以觀察佢的易推度, 顯色度和自然度.

 

這胭脂水好易推, 顏色也好自然, 顯色就唔太明顯, 不過對於喜歡淡妝的我就好適合.

接着, 就測試吓防水度, 先將水噴在胭脂上,再用紙巾印一印, 結果胭脂仍然保持好好.

 

最後, 就測試易卸度, 先將化妝棉沾上卸妝水, 放在胭脂上, 稍為等十多二十秒再抺去, 發現胭脂只係卸去部份, 真係好持久.

完成測試, 除了填寫問卷外, 就即場登上U Beauty網站, 寫下試用心得, 同埋錄低對這次活動的感受.

最後, 當然影番一張大合照.

 

每位到場的朋友除了可以帶走胭脂水外, 仲可以得到Benefit的化妝袋, 不但大個, 而雙拉鍊設計非常方便.

想知道佢地最新消息和產品資料, 可以登入以下網址

http://www.facebook.com/UBeauty.com.hk