屬於我首個DIY包包 - U Beauty x SABRLNA SCALA皮藝聚研坊

星期五好開心能夠出席U Beauty x SABRLNA SCALA皮藝聚研坊, 可以一嘗DIY. 而舉行地點在SABRLNA SCALA位置中環的店舖內.

SABRLNA SCALA以樂.生活的哲學, 由設計師帶領顧客一同設計屬於自己的作品, 也會傳承祖藝, 以手工編織符合美學理念和時尚的產品.

一入到店內, 已經被店內的燈吸引住, 好靚~

而四圍也放滿咗不同的款的袋和銀包~

工作坊正式開始, 由SABRLNA SCALA三位設計師負責, 包括Arie, Alfred和Gigi~

在枱面上已經放滿唔同顏色和質地的皮和繩, 可以跟據自己的喜愛選擇, 我就選擇咗啡色系列~

首先, 我地先將放金屬牌的托連在後幅的皮上, 整皮革, 一定唔可以缺少專是皮革用的膠水.

 

穿繩時, 先將繩頭剪尖, 這樣方便穿. 穿過第一個洞時, 先用膠水將繩尾固定, 之後可以繼續穿, 去到最後一個洞時, 也要用膠水貼好, 這樣後幅就完成.

接着, 就是將前幅和後幅兩塊皮合拼, 為了固定位置和結實, 需要打結. Gigi先示範一次俾我地睇. 之後我地就開始穿.

而去到最後一個洞, 和第一個洞的做法也有點不同, 先睇睇Gigi的示範先,對於首先DIY包包的我, 遇到唔明的地方, 也會向三位設計師請教, 佢地也好有耐性咁教我.

我努力係度穿穿穿~所以我也能順利完成我的首個作品~

 

基本上個包包已經完成, 現在只欠一個金屬牌, 我地可以在上面刻上任何字, 我就選擇刻上自己個名.

在Arie整金屬牌期間, SABRLNA SCALA也好好為我地準備咗豐富的食品.

整完包包後, 要同首個屬於我的DIY包包影番咗相先~

最後當然要影番一張大合照留念, 也睇睇各人的製成品.

兩個多小時的工作坊就在一片歡樂聲結束.

大家係咪都有興趣參加不同的工作坊呢, 記得留意U Beauty, 佢地定期都會舉行不同的活動.

http://www.facebook.com/#!/UBeauty.com.hk

http://www.ubeauty.com.hk/hk/home.html