與別不同的火煱店 - 力奇火煱

上個月朋友生日, 揀咗去力奇火煱打邊爐, 我之前沒有去過~

力奇最出名就是豬骨煲湯底, 所以一定要點這過, 因為太多材料, 所以要先將部份放在碟上, 先食咗豬骨, 再放回其他材料落煱裡, 豬骨好入味, 湯底也好有豬骨味.

這裡的火煱材料同其他的火煱店沒有太大的分別, 不過就好新鮮, 有海鮮食, 我地點咗南非鮑魚和美國桶蠔, 好太隻呀~

這裡的牛肉也是好出名, 有本地牛和肥牛, 我地點咗一碟小的肥牛.

另外, 我鍾意食丸, 所以選咗手打蝦丸, 墨魚丸和鯪魚球, 三款中, 蝦丸麻麻地, 墨魚丸不錯, 最好味是鯪魚球, 下次再去一定要再點鯪魚球~朋友點了一個雙拼, 就是牛心叮和炸腐皮卷, 牛心叮非常爽, 我也是第一次食.

當你打算去力奇食嘢時, 你要有心理準備, 因為那裡好似大排檔, 而且因為太多客人, 又唔足夠人手, 所以好多嘢要親力親為, 非常自助, 不過這也是一個特點.

這裡的價錢相比一般的火煱店稍為貴少少, 不過也值得一試, 尤其是豬骨煲~

力奇火煱

地址: 大角咀大同新材角祥街53號地下