喜歡食自助餐的我, 上個月去了帝苑酒店食tea buffet, 今次就去凱悅酒店食tea buffet. 那天大約三點半到達, 時間為兩小時.
職員安排卡位俾我地四個人, 這裡的裝修好靚, 我自己就好喜歡.
自助餐款式多不勝數, 有冷盤, 壽司, 熱盤, 鐵板燒, 甜品.
冷盤除咗一般的沙律, 生果外, 竟然有我最喜愛的海鮮, 包括甜蝦, 翡翠螺, 龍蝦仔, 真是喜出望外. 估唔到下午茶都有得食.
也有幾款的壽司, 煙三文魚, 三文治.
熱盤也有好多選擇, 有湯和粥, 點心, 天婦羅, 炒飯, 粉麵, 燒味, pizza等
鐵板燒有雞翼, 各式的香腸, , 雞肉和牛肉漢堡, 可以夾包, 成為迷你漢堡包.
甜品當然不可不提, 有葡撻, 抺茶卷, 朱古力蛋糕, 各款的奶凍, 藍莓芝士餅等, 軟雪糕和乳酪, 美中不足是沒有朱古力噴泉.
這裡的海鮮我當然不會錯過, 幾款都算新鮮, 最愛甜蝦, 平日好少食, 因為要去殼, 但這裡的甜蝦已經去咗殼, 啖啖肉, 非常方便.
而湯好特別, 是藥材湯, 黨參北茋湯好味, 香腸和漢堡, 特別一提是椒鹽魷魚好好味~ 天婦羅是即炸, D粉好薄, 好鬆脆.
由於太多食品選擇, 甜品不能試好多, 只是選咗我最多的朱古力蛋糕和 一兩 式奶凍, 最後一定要食雪糕, 可以自己加上不同的配料. 如棉花糖, 朱古力豆等, 這裡仲有乳酪食, 所以我都食咗一杯.
有匯豐白金咭有八五折, 所以每人只係二百三十左右, 佢同自助晚餐差唔多, 真係好抵食, 大家有機會也要試吓~
沒有留言:
發佈留言