令肌膚變得穩定 - MISSHA 艾草潔面面膜2合1和艾草健膚生命水

近排工作壓力大，加上轉天氣，肌膚變得不穩定和爆瘡，早前試了MISSHA艾草健膚系列，包括艾草潔面面膜2合1和艾草健膚生命水。

成分用來自江華島嘅艾草萃取，舒緩因空氣污染、天氣轉變等而造成嘅皮膚敏感，有效鞏固肌底、補充天然水份及減少泛紅，令肌膚迅速回復穩定健康狀態。

平日用艾草潔面面膜2合1洗面，用後感覺乾淨但不繃緊。

每星期會用這個作為深層清潔面膜敷面，大約敷1-2分鐘再洗去。

之後再搽上艾草健膚生命水，即時為肌膚補水，肌膚變得水潤，用後感覺舒服。

急救方法:
使用艾草潔面面膜2合1洗臉後，再用艾草健膚生命水倒於化妝棉上塗勻全臉，再將浸濕生命水的化妝棉，敷於臉上5分鐘，保濕舒緩效果更佳。

用了這系列，可以稍為穩定肌膚，減少左爆瘡，好適合暗瘡肌膚的我使用, 而暗瘡印稍後再處理。

產品和資料由品牌提供.

想了解更多產品詳情可以登入以下網址:
https://www.facebook.com/missha.hk/

活燒蒲燒鰻魚飯 @ 金鶴拉麵

上年底去完日本，仍然懷念日本美食，早前係炮台山上完堂後，順便去了附近覓食，最後選了金鶴拉麵。

一踏入店內, 怖置和裝修好有日本食店的感覺.

今次無食拉麵，反而選了活燒蒲燒鰻魚飯。

我期待已久的活燒浦燒鰻魚飯終於上枱.

賣相相當精緻.

鰻魚飯以盒承載着, 仲有一碗湯和前菜.

鰻魚係即叫即燒, 所以一打開盒蓋, 香味撲鼻.

鰻魚夠厚身，又嫩滑，而且外皮帶脆身，雙重口感。

個醬汁調教好味, 不論與飯或者鰻魚都好夾.

個飯附有湯, 可以清一清喉嚨.

最後也點了甜點。

抹茶軟凍.

入口煙煙韌韌, 而且甜度適中.

食完飯, 再食埋甜品, 大滿足.

輕鬆一下 @ Label Café + Bar

一直也想去荃灣南豐紗廠行下, 早前終於有時間去一趟. 行完當然順道係那裡食嘢, 最後選了一間叫Label Café + Bar.

這裡的怖置全是黑白配, 十分型格.

主菜我地點了兩個, 分別係竹炭黑松露忌廉芝士牛肉漢堡配香辣薯角和大蝦墨汁意粉配香茅牛奶泡沫.

先奉上南瓜湯.

竹炭黑松露忌廉芝士牛肉漢堡配香辣薯角.

賣相好精緻.

由於我唔食生, 所以特別要求牛肉全熟.

雖然係全熟, 但牛肉的肉質完全不覺得硬和乾身, 仲有些肉汁.

麵包夠軟身.

大蝦墨汁意粉配香茅牛奶泡沫.

蝦肉肉質尚算爽口彈牙.

而意粉軟硬適中.

來這裡食飯, 當然不可能唔食甜品, 仲玩味十足.

Dark Affogatto.

將濃縮咖啡加落雪條上, 脆身的雪條外皮, 入口多了一份咖啡味道, 雙重感受.

布朗尼蛋糕配棉花糖雲.

將奶混入棉花糖中, 棉花糖溶咗.

內裡就係布朗尼蛋糕.

味道不錯.

香梨撻.

剛才食了一個較濃味的甜品, 依加食番個撻中和一下.

梨夠甜, 入口感覺清新.

下次要再試下其他款式.

貓山王榴槤純素軟雪糕 @ DAMA

自從K11 Musea開幕後, 成為不少人打卡熱點, 早前我也去一趟, 那裡有不少的食店我也想試, 最後我就試了DAMA.

這間純素軟雪糕, 係無牛奶的軟雪糕, 吸引咗我去試.

每日提供四款口味俾客人選擇.

好好彩有我最愛的貓山王榴槤味道.

除了雪糕, 仲有湯和輕食.

我選了日式芥末豆腐卷和蟲草花合桃腰果粟米甘筍湯.

蟲草花合桃腰果粟米甘筍湯.

我自己鍾意飲湯, 個源幾清甜, 可以滋潤一下喉嚨.

唯獨湯料較少.

日式芥末豆腐卷.

這個好味道, 入口有淡淡的芥末, 特別醒胃.

到了甜品時間.

貓山王榴槤純素軟雪糕.

賣相相當吸引.

質感幾幼滑, 榴槤味道幾香濃, 但又唔會覺得大味.

最後飲番一杯泡沬咖啡.

我選了燕麥奶, 估唔到幾易入口.

平日我需要加糖混入咖啡中, 但這次就不同, 可以直接飲.