激光脫毛之旅第一回 - Pretty Medical 光纖嫩。脫

夏天好快又來臨啦, 好多人都會著背心, 可惜一向容易出毛髮的我, 要處理腋下的毛真係感到煩惱, 我也用了不少方法, 例如脫毛膏, 脫毛蜜蠟, 剃刀等, 也未能完全解決. 今次好開心能夠被選中參加Pretty Medical 舉辦的「Pretty Medical 光纖嫩。脫」活動, 可以同我的腋毛講BYE BYE啦~

上星期去咗位於灣仔的Pretty Medical.

職員先安排我坐一陣.這裡有雜誌, 枱上有各款的生果, 餅乾, 花茶提供俾客人享用.

稍後, 職員俾咗一份表我填寫, 了解一下我的情況.

填完後就去換浴袍, 接着, 就先來影一張做激光前的相, 就係用以下部機影相. 我的毛髮真係茂盛, 希望唔好嚇親各位, 令各位不安…

跟住就去房度打激光, 我有少許緊張, 今次是由Cherry幫我打激光. 佢先睇吓我的毛髮情況, 佢話我的毛髮較長和粗大, 所以打的時間是會較痛.

佢先同我帶上眼罩, 就用這個開始打, 打的過程係有點痛, 但可以接受, 只係有一些位置會較痛, 期間會聞到一些好似燒嘢的味, 而兩邊打完差唔多十分鐘. 之後, Cherry同我搽上啫喱降温.

打完後, 腋下附近的皮膚有微紅, 大部份的毛髮已經除去, 只剩下黑色一點點, Cherry話不用理它, 也唔好拔走佢.

佢仲提醒我, 返屋企沖涼時唔好用太熱的水和唔好用止汗劑, 佢也俾了一盒的啫喱我返屋企搽.

我將會做四次激光, 期待完成四次後, 能夠完全解決這個煩惱, 稍後再同大家報導, 到時大家多多支持呀~

想了解更多有關Pretty Medical的更新消息和資料, 可以登入以下網址

www. PrettyMedical.com.hk

Pretty Medical地址

香港灣仔太原街8號海源中心2樓全層

電話: 2891 6879 / 2891 6871

九龍佐敦長樂街18號18廣場10樓全層

電話: 2722 1168 / 2721 0070

潮濕天氣最啱敷冰膜 - 維特健靈OS21冰膜

我相信大家對維特健靈這個品牌不會陌生, 而且也是從保健產品認識它, 原來維特健靈也有推出護膚品, 對於佢地的護膚品, 你又有幾多認識呢? 今次好開心能夠試用OS21冰膜.

等我先略略介紹這個系列.

OS21 系列由一位瑞士草本植物學家研製而成, 他運用對草本植物特性的知識和結合了科學界高研技術及高性能的原材料, 發展出OS21系列. 希望幫助所有女性把肌膚永恆地保持在21歲的狀態, 如雪糕般幼滑.

功效:就像保護膜一樣, 幫助平衡自由基對肌膚的傷害, 其獨家抗氧化的成份組合能為肌膚充電, 一樽就能重塑肌膚的彈性, 色素, 潤澤度, 讓肌膚回復最佳狀態.

對象:

25歲或以上, 所有皮膚類型

使用方法:

每週 2次, 厚敷 20分鐘, 然後用清水沖洗乾淨.

成份:

天然角磷質, 糖蛋白類, 天然草本植物中提取的奧米加 3及6,

天然維他命 A, C 和E.

為了令效果更佳, 試用冰膜前, 我先將它放在雪櫃中冷藏.

我覺得佢的質地好滑, 好似CREAM咁, 而且隨盒附有小棒, 使用時較衛生.

佢話要厚敷, 所以我用的份量也較多, 由於之前放咗係雪櫃, 所以搽上面時會覺得有點涼, 最啱依加潮濕的天氣時敷, 非常舒服. 過咗大約二十分鐘後, 我就輕輕打圈, 再用清水洗去.

本身毛孔是粗大的我, 用完後, 感覺毛孔無咁明顯, 而且皮膚滑咗. 我隔日使用, 連續用咗三次, 最明顯的分別是平日第二朝起身鼻翼位會出油, 但用咗後, 出油的情況略為改善, 無咁嚴重.

依加到31/3, 只要去以下網址下載優惠券, 買OS21冰膜, 可以減$50

http://www.vitagreen.com/images/ecoupon/os21coupon.jpg

想了解多一點維特健靈的產品和資料, 可以登入以下網址

http://www.vitagreen.com/zh/

放假鬆一鬆 - 帝苑下午自助餐

放假其中一個好去處就係去食tea buffet, 上星期六就去咗帝苑食tea buffet, 時間由三點半到五點半.

今次被安排坐在噴水池附近的座位. 自助餐主要分為冷盤, 熱盤和甜品.

冷盤有沙津, 冷麵等, 不過我無食到.

熱盤有瑤柱碎肉粥, 炒麵, 糯米飯, 越式粉麵, 炸薯條和魚條, 熱狗, 串燒等, 選擇都不少.

到我最愛的甜品, 有朱古力噴泉.

蛋糕大約十款左右, 有果撻, 藍莓芝士餅, 士多啤梨夾心餅, tiramisu, 曲奇餅等等.

以下這款我特別喜歡, 這個夾心餅的cream好滑, 加上夾心餅好鬆脆, 又唔會過甜, 正呀.

當然仲有班戟, 和haggan dazs雪糕, 有杏桃, 朱古力和士多啤梨三款口味.

原價$198, 有好幾張信用咭有八五折, 其中就是匯豐咭, 加埋一都係$188, 所以都算抵食.

今個星期, 我將會去凱悅食tea buffet, 到時再同大家分享啦~

初接觸Angel Face輪廓重整面部護理

星期四放工後去咗Angel Face度做輪廓重整面部護理, 今次我去咗位於銅鑼灣恩平中心的分店做.Angel Face度做輪廓重整面部護理, 今次我去咗位於銅鑼灣恩平中心的分店做.

當我到達時, 職員先遞上熱茶和一份表俾我填寫.

接着, Fion就帶我入房, 簡單介紹下我這次所做的輪廓重整面部護理的程序和功效.

這是一個結合抗敏納米矽因子, 在皮下形成矽網, 它能重建加厚真皮層, 即時撐起下陷的皺紋, 也有向皮膚表面推進的作用, 形成更大的空間儲水, 改善膚質.

功效:

1. 改善毛孔粗大和減淡幼紋, 收緊和撫平皺紋

2. 均勻和明亮肌膚, 使肌膚水嫩幼滑

3. 趕走自由基, 排走毒素

之後, Fion就帶我去換浴袍和毛巾. 就由今日負責同我做facial的Ling帶我去房.

入到房間, Ling先幫我蓋上電毯, 這個非常好, 即使天氣凍做facial都無問題. 首先, 佢先幫我卸妝, 洗面.

之後就針清同收眉的雜毛, 由於我的皮膚不太接受到針清, 我就同Ling事前講明, 佢話佢地只會選擇針清有濃頭和熟咗的暗瘡, 叫我可以放心. 所以整個針清過程只有少少痛.

接着, 就是到這個facial的重點, 這個facial會敷兩個mask. 第一個是含有納米矽因子面膜, 主要係去暗啞和增加明亮. 眼mask特別之處是有黃金成份, 所以顏色是金黃色, 而面mask是白色. 這個mask大約敷15分鐘.

當我敷的期間, 會感覺整塊面都繃緊住, 敷完後, 眼mask的金黃色會變成白色. 而且這個mask比較難落, Ling要細心慢慢地同我抹去.

之後, 就敷第二個是納米活水眼和面膜, 主要係保濕. 佢地是一塊mask, 非常貼面和舒服, 這個mask大約敷20分鐘.

最後, Ling同我搽上護膚品, 整個facial就完, 時間大約1小時. 做完Facial後, 感覺膚色均勻咗, 仲好保濕.

之後, 我就落去換番衫, 而佢地仲會準備好一杯的湯俾客人享用. 我今日是飲蕃茄芹菜湯, 非常好飲.

想了解更多Angel Face 其他護理療程資料和最新消息, 可以登入以下網址

網頁: http://www.angelface.net/product.php?cate=1

Facebook: https://www.facebook.com/angelface.hongkong

Bobbi Brown 修眉 + 化妝 + haggan dazs雪糕火鍋

早前去咗Bobbi Brown度修眉和上一對一化妝堂, 其實一直都想去修眉, 今次終於約到時間去. 今次去IFC度修眉, 由於是星期六, 所以比較多人, 佢地先安排我坐一陣, 過咗一陣負責的同事就過來, 佢叫Sindy.

因為我是首次來修眉, 佢先同我講下堂眉的情況, 佢話我堂眉左右有高低, 佢會同我修到着唔多平衡, 我自己唔鍾意太幼的眉, 所以我先事先講明. 大約十多分鐘就完成. 修完眉後, 雖然有少許紅, 但整齊咗好多.

接着, 我就上一對一化妝堂, 今次是教日間的Smoke Eyes, 也是由Sindy負責化.

佢先用Cream Shadow 的Shore打底, 之後搽上Cream Shadow的Galaxy, 因為是日間的Smoke Eyes, 所以就唔用黑色. 之後再加上咖啡色系列的眼影.

為了令雙眼更大, 佢就同我畫眼線和搽上睫毛液, 由於我一邊眼是無雙眼皮, 所以那邊的眼線要畫得粗一點才可以睇到. 也要畫下眼線, 不過只需要畫三分之一或一半就可以, 之後, 再搽上睫毛液, 基本上個眼妝就完成.

但為咗令眼部輪廓更突出, Sindy在眼頭搽上少少帶閃的眼影, 再在眼窩尾部搽上啞色的眼影, 這樣, 日間Smoke Eyes就完成啦~

化完妝就去食飯, 今次係食haggan dazs雪糕火鍋, 我第一次去食咋, 今次揀咗32個迷你雪糕球, 一共有8款口味, 堂食只係$298. 鍾意食雪糕的人唔好錯過啦~

大戶屋 - 吉列雞扒飯配熱蕎麥麵我的至愛~

我本身好鍾意食日本嘢, 近半年都有不少日本人氣新店係香港開分店, 而我本身鍾情於一間早一些時間係香港已經開咗幾間分店的大戶屋.

去日本的人都知道, 日本的店舖喜歡一個定食除咗飯, 仲會配烏冬或蕎麥麵. 而這間大戶屋就有, 加上我好鍾意食蕎麥麵, 所以一拍即合.

我來大戶屋, 最常點就是這個吉列雞扒飯配熱蕎麥麵, 你也可以選擇配烏冬, 熱或凍也可以.

這個炸雞扒唔會太多粉, 而且我好鍾意點佢地的醬汁，所以每次都要佢地俾多一碟醬汁我, 今次的前菜是酸菜, 酸酸地, 好開胃.

而朋友就點咗燒雞飯配熱蕎麥麵, 朋友話這個也不錯, 只係醬汁少了一點, 有點乾.

一個定食的份量也不少, 所以食完好飽, 而且價錢也不貴, 連埋加一都係每人九十多蚊, 相對一碗拉麵要七八十蚊來講真係好抵食.

其實佢仲有一些好食的定食, 例如鐵板漢堡定食, 黑醋雞定食等...