初接觸Reenex 高效「膠原自生」療程第二步 - 增生 - 冷凍光學膠原自生療程和HGF 激活細胞增生療程

早前試做完CPS更生肌膚療程, 尋日就去做冷凍光學膠原自生療程和HGF 激活細胞增生療程, 因為兩個療程一齊做所得到的效果是最大.

那天放工後上到去位於尖沙咀北京道1號的分店, 治療師Michelle帶我入房, 就開始今日的療程. 佢先同我洗面, 之後就同我做第一個療程 - 冷凍光學膠原自生療程.

這是以1540nm的冷凍光學深入500微米真皮層的Collagen Zone, 活化纖維母細胞增生骨膠原, 提升肌膚彈性和承托力, 同時能改善過盛油脂分泌. 而獨有「Koolburst」專業科技, 以5°C冷凍技術保護及鎮靜肌膚, 令療程安全無痛.

最主要功效是回復肌膚彈性, 改善皺紋和粗大毛孔.

Michelle就會用這個同我做, 而圖中紅色圈圈位置, 就是將laser射入皮膚裡. 這個療程大約20至25分鐘.

做的期間, 非常舒服, 完全唔會感到痛, 只是凍凍的感覺, 而每一下射入皮膚時, 會聽到『達達』的聲音. 而在虎紋位置和毛孔粗大的地方, Michelle會同我打多一次.

接着就會做第二個療程 - HGF 激活細胞增生療程.

它透過 HGF 激活細胞增生儀能帶走老舊角質及污垢, 改善粗糙暗啞, 提升肌膚吸收養分能力. 在肌膚吸收狀態最好時, 將110種高濃度人體生長因子精華 (Human Growth Factors) 導入肌膚底層 Collagen Zone, 加速膠原自生能力.

最大的功效是改善粗糙暗啞, 清除老舊角質和減少黑頭粉刺.

這次會用三個不同的咀頭去做, 而咀頭每次用完就即棄, 非常衛生.

藍色的咀頭是用來去角質, 而咀頭有兩個洞, 一個係導入精華, 另一個係將污垢排出.

淺藍色咀頭較藍色為細, 係用來去T字位和下巴的黑頭和粉刺.

最後白色的咀頭是用來導入精華, 會用上整支的TNS Serum.

做療程期間, 感覺咀頭輕輕吸住皮膚, 過程好舒服, 我也在不知不覺間有點睡意. 當最後用上TNS Serum時, 會有少許吉吉的感覺, 尤其是皮膚較乾的位置, 這是正常的反應.

做完後, Michelle俾我睇番吸出來的污垢, 樽中有好多一點點的黑色物就是污垢. 最後, 再敷一個水份面膜和搽上護膚品就完成. 整個療程大約一個小時左右.

一個月後, 我會做最後的療程 - TRF膠原強效緊緻療程.

若大家有興趣試做CPS更生活膚面部療程, 可以登入以下網址登記, 做完仲送BIODERMA卸妝潔面水添~

http://www.reenex.com.hk/edm/201112/RBLOG1211M/Form.aspx?ref=RBLOG1211D

初嘗健康又方便食品 - 官燕棧的一餐纖燕

時間過得好快, 聖誕假期完結啦, 明天就要返工. 由於這排成日出街食飯, 腸胃差咗, 係時候食番一些健康又有益的食品, 調節番個腸胃. 剛巧可以試食官燕棧的一餐纖燕.

官燕棧一餐纖燕是選用一級『頭期官燕』, 營養穀物和天然食材, 配合先進燉製方法而製成. 一共有三款口味, 包括南瓜五穀蕃茄五穀和七穀.

今次我試食南瓜和蕃茄兩款口味.

每包南瓜五穀只含約76卡路里, 內有南瓜, 官燕, 馬鈴著, 蕎麥, 燕麥, 洋蔥, 大麥和燕麥仁.

而每包蕃茄五穀只含74卡路里, 內有番茄, 官燕, 高梁, 燕麥, 洋蔥, 紅蘿蔔, 糙米, 西芹.

每一包可以用作代替一般午餐或晚餐, 有飽肚感, 有助控制卡路里, 而且有健康天然穀物和蔬菜比例均衡配方. 每一盒仲附上餐單添.

4個食用方法:

1.     即開即食

2.     整包鋁袋放入熱水中, 加熱約5分即可

3.     剪開鋁袋, 倒進碗中, 用微波爐加熱約2分鐘即可

4.     加熱後, 可自行加添蔬菜, 增加膳食纖維和其他天然營養, 記住不用加水

平日工作忙, 加上又懶, 最想食得健康又快捷, 所以這個就啱晒我, 只需要幾分鐘的時間就可以食用. 而且天然穀物及蔬菜含膳食纖維，能滿足飽肚感，及有助排毒添.

另外, 盒上寫明絕無添加人造色素、防腐劑、穩定劑或人造香料成分, 對於要食得健康的我, 這幾點非常重要, 而且仲要係香港製造. 所以想瘦其實不一定要食藥~

想了解多一些有關官燕棧其他產品的資料和最新消息, 可以登入佢地Facebook~

https://www.facebook.com/emilykwf?sk=info#!/ImperialBirdsNest

下一篇文章將會同大家分享一下食咗一餐纖燕後的感受, 記得留意呀~

現場報導 - Home Essential x 技寨Christmas party 2011

聖誕節最開心就是參加PARTY, 上星期五好開心能夠出席由“
Home Essential x 技寨Christmas party 2011”, 舉行地點係中環Home Essential店內.

我是第一次接觸Home Essential這間公司, 原來佢地是一間傢俬店, 佢地最特別的地方是可以租傢俬.

等我先參觀一下佢地的店舖, 佢地除咗賣傢俬外, 仲有賣不同擺設, 雨傘, 蠟燭和香薰產品~

 

而舉行PARTY的地方係二樓, 到達時已經見到枱上預備咗食物和飲品, 大約七點半左右, PARTY 正式開始, 今晚的司儀係GIGI, 佢先同大家簡單介紹吓Home Essential, 之後就由DION示範化一個PARTY LOOK, 由ISSI個MODEL.

跟住, 就是Home Essential的老闆同大家講幾句說話, 佢是一個幽默, 而識講幾句廣東話的外國人呢~

 

接着, 就開始遊戲, 第一個是收買佬遊戲. 先分為A和B兩組, 由DION講需要收買的物品, 最快一組有1分, 最後由B組勝出.

第二個遊戲是開口中, 先將勝出的B組分為前後兩組, 每一組讀出一個數字, 講中那個數字就輪, 最後由前排的朋友勝出.

而最後一個遊戲是估歌仔, 第二個遊戲勝出的朋友就是各自比賽, 那一個能夠估中最多歌仔就勝出, 最後由KANIX勝出. 可以得到獎品. 而第二名的YANDY也可以得獎, 而支持佢地的三位朋友也可以得獎.

當然到咗PARTY的高潮, 抽獎時間, 技寨和Home Essential分別送出3份和2份獎品出來, 至於當晚還有一個最佳衣著大獎, 最後由Holmesii Fukfuk勝出. 恭喜晒各位.

現場還有一個拍賣會, 好多產品也以超低價出售, 各位也在選購產品. 非常熱閙. 雖然我沒有抽中獎, 但也玩得好開心, 也多謝Home Essential送出俾每一位出席朋友的蠟燭~ 希望下次有機會再玩過.

想了解多些Home Essential這間公司, 可以登入佢地網頁和facebook.

http://www.homeessentials.com.hk

https://www.facebook.com/pages/Home-Essentials-Hong-Kong-Ltd/111556788955036?sk=wall

為健康出一分力 - Life Nutrition的有機巴西莓加石榴精華

現今都市人工作繁忙, 食無定時, 腸胃唔舒服, 皮膚也會變差咗, 而我都不例外, 為了令自己健康一點, 可以服用一些健康產品去改善, 今次試食Life Nutrition的有機巴西莓加石榴精華.

究竟『巴西莓』是甚麼來呢? 它是來自亞馬遜熱帶雨林, 被譽為世界上5大超級食品之一. 含有天然的氨基酸, 多種維他命, 礦物質, 不飽和脂肪酸, 膳食纖維, 植物固醇和特強的抗氧化能力.

而Life Nutrition的有機巴西莓加石榴精華選用100%天然有機食品證明的巴西莓, 採用冷凍脫水技術製成, 有效鎖住整粒巴西莓的天然養份. 加上有機石榴含有豐富維他命C和葉酸.

產品特點

Ø         『超級食品』, 凍乾巴西莓含比藍莓高22倍的特強抗氧化力(ORAC)

Ø         提供100%有機天然的維生素, 礦物質, 脂肪酸, 纖維和氨基酸

Ø         促進新陳代謝, 抑制食慾, 修身減肥和改善皮膚, 睡眠質素

食法:

每日2粒, 素食人士也適用.

我一直都較少食保健食品, 因為唔知適不適合自己, 出現甚麼反應, 樽上有寫明各種成份, 就能了解自己食的是甚麼保健食品.

食咗有機巴西莓加石榴精華兩個多星期, 感覺不錯, 而且每日只需要服用2粒, 非常方便.

樽底有到期日子, 可以食得安心又放心啦~

始終只係服用咗唔太長的時間, 明顯的效果暫時未能見到, 不過自己覺得訓覺熟睡咗, 唔會一晚醒幾次, 返工都精神咗.

Life Nutrition 的保健產品, 屈臣氏獨家發售

想了解更多有關Life Nutrition其他的保健產品, 可以登入以下網址

www.facebook.com/LifeNutrition

宮崎駿每年一部大作 - 紅花坂上的海率先睇~

『宮崎駿』這個名字, 我相信大家一定不會感到陌生, 每一年都會有新的動畫上映, 今年都不例外, 係農曆新年將會上映『紅花坂上的海』, 好開心可以率先睇到這套片的優先場.

這次係德福MCL睇優先場, 係大堂已經見到有關這套戲的宣傳板~

這是今次優先場的戲票.

入場前, 大家在排隊等入場, 都有唔少人呢~

先簡單講下這套片的大綱~

以60年代正值日本經濟崛起的時期為背景，故事發生在東京奧運開幕前的橫濱，透過高中生松崎海及她身邊的人物，反映當時日本社會的生活面貌。

高中女生松崎海（長澤雅美 聲演）, 因乘船出海的父親去向不明, 每天都在山上升起航海訊號旗, 盼望引領父親的船回航.

另一方面, 她的母親因工作關係, 四處奔波, 家裡只剩下她與祖母（竹下景子 聲演）、妹妹松崎空、弟弟松崎陸四個人住在一起, 松崎海肩負起照顧家人的重任.

在學校中, 松崎海捲入了學校新聞社長風間俊（岡田准一聲演）與學生會長水沼史郎（風間俊介 聲演）之間的風波. 不知不覺間, 松崎海更與二人展開了微妙的感情牽繫…

套戲一開始就先播歌曲, 宮崎駿每套動畫的編曲都好吸引. 我也很喜歡他的畫功, 畫得好細膩, 每一個細節都顧及到~

未睇這套戲之前, 以為這是一套純愛情小品, 但原來當中還加插其他的元素, 例如: 同學之間為了保留學校的舊建築物而齊合心力去打掃, 女主角海掛念父親之情, 令我感動和印象深刻~ 也有一些好笑的對白和情景.

而在戲中不時也加插一些歌曲, 好切合當中的情節.

本身喜歡聽日本歌曲, 所以對於聲演男女主角的日本明星也熟悉. 或許對於小朋友來講, 這套戲可能有少許不明白, 所以有中文配音會較佳. 但對於我, 我就幾欣賞這套動畫, 我會選揀原裝日本版, 喜歡它原汁原味~

想了解多一點這套動畫的資料, 可以登入以下網址

睇預告片段

http://www.youtube.com/watch?v=MOELzOBLvP8

官方網址

http://kokurikozaka.jp/index.html

一塊可以敷足45分鐘的面膜 - Dorissiderm的生物纖維導入面膜

上星期, 我做咗一次CPS更生肌膚療程, 治療師話要多敷保濕面膜, 所以我做完療程第二日就敷咗Dorissiderm的生物纖維導入面膜~

先簡單講下這款面膜, 佢的質地同一般的面膜不同, 不是紙, 而是生物纖維面膜, 比不織布面膜服貼面積多3.8倍, 能真正緊貼肌膚、深入毛孔, 而且創新3D立體結構，更服貼更緊密, 超細緻纖維交織, 精華液承載更多, 精華完整導入肌膚, 吸收效果更好~

高科技的奈米生物纖維材質由通過美國 FDA 認可的微生物有機菌群經過嚴謹控管的發酵工程技術而得, 有如人造皮膚一樣, 能有效導入精華液, 迅速滲透至肌膚底層. 三度空間網狀結構, 可對肌膚舒壓按摩, 再加上氣體、水氣可穿透，讓肌膚在保養的同時也能深呼吸.

內含多元胜肽，而奈米結構能將美容有效精華成分有效滲透肌膚0.3mm基底層深處, 在皮膚上形成一道鎖水保護膜, 加強細胞間凝聚力, 提供充分的營養, 滋潤和修護皮膚, 使肌膚緊緻及平滑柔順.

打開面膜, 第一個感覺係精華非常多, 當我拎咗面膜出來, 個袋仍然有好多精華. 由於唔想浪費D精華, 係我敷面膜時, 覺得面膜乾, 我就會加些精華在面膜上繼續敷, 大約可以加兩次. 所以一塊面膜可以敷成45分鐘.

唔講唔知道, 原來每一片有成32ML, 而且由美國製造, 有品質的保證, 用得放心~

我好鍾意面膜的質地, 佢是生物纖維面膜, 質地有點似啫喱, 敷上面時, 感覺涼涼地, 非常舒服. 而且佢的剪裁好好, 不論正面或側面, 非常之貼面~

當我敷完面膜後, 覺得好滋潤, 皮膚有番彈性, 即使第二朝起身, 都能夠保持水潤感覺. 這款面膜價錢都幾貴, 一盒3片/ $480, 所以對我來說係急救面膜或做完醫學療程後使用, 效果更佳.

想知道佢地最新消息, 可以登入Dorissiderm的facebook fan page

https://www.facebook.com/pages/Dorissiderm/131855436829701?sk=info

初接觸Reenex 高效「膠原自生」療程第一步 - 更生 - CPS更生肌膚療程

年紀漸大, 加上工作壓力, 休息不夠, 不同的皮膚問題相斷出現, 怎樣才能令皮膚重現光彩? 今次好開心能試親身感受一下Neo Derm Group醫學美容集團旗下 - Reenex『膠原自生』療程~

早前, 第一次去到Reenex位於尖沙咀北京道1號的分店. 那天到達後, 職員先安排我坐下, 並問我想飲甚麼, 我就選擇咗熱柚子蜜. 由於我首次係Reenex做療程, 所以需要填寫一份個人資料和有關皮膚的問卷, 等治療師對我的皮膚狀況有初步了解.

這裡的景觀好吸引, 可以望到維港的燈飾.

這裡兩旁有獨立的顧問房, 也有一個位置放置咗Neo Derm Group醫學美容集團旗下的醫學品牌產品.

由於將近聖誕節, 店內四周都有聖誕的佈置.

接着, 負責同我做療程的治療師Michelle先同了解下我最為關注的皮膚問題, 皮膚結構, 療程的過程, 目的和效果. 這令我對療程有多一點的認識, 也要簽署療程的同意書.

Reenex 高效「膠原自生」療程共分4個療程，包括：

療程1：更生 - CPS更生肌膚療程

療程2：增生 - 冷凍光學膠原自生療程

 療程3：HGF 激活細胞增生療程

療程4：TRF膠原強效緊緻療程.

今日先進行療程1：更生 - CPS更生肌膚療程

它是膠原自生系統一個起步, 利用水基酸有效溶解老化角質, 促進新新代謝, 回復28日健康更新週期, 豐厚表皮層, 重拾水油平衡的健康肌膚, 提升皮膚吸收力.

在做療程之前, 先同我做一個皮膚分析, 睇吓我皮膚的情況和問題所在. 良好的皮膚應該呈現明顯細密的三角紋理, 而我的皮膚紋理不太明顯, 令面和橫向紋理出現.

療程開始前, Michelle先同我洗面, 再同我搽上預備液.

為咗唔想被水基酸和中和液整濕我, Michelle先以毛巾包住我的頸部位置作保護. 佢在面上搽水基酸, 在我特別暗啞和層角質的鼻頭和下巴搽厚一點水基酸, 水基酸只會在面上停留約3分鐘, 期間有少許的吉吉感覺是正常.

之後同我噴上中和劑, 一共2次. 再用化妝綿抹乾後, 然後把一塊網布放係我面上，以風筒吹以作舒暢和降溫之用.

最後, 再敷一個水份面膜和搽上護膚品就完成. 整個療程大約半小時.

做完後第一個感覺是覺得膚色均勻咗, Michelle話做完療程三日內唔好使用含有美白成份的產品, 也要多敷保濕面膜, 因為這時皮膚是最吸收. 我當然有勤敷面膜, 而且仲覺得上粉底時貼服咗添. 期待下一次的療程.

睇完後, 大家係咪有興趣試做CPS更生活膚面部療程, 可以登入以下網址登記, 做完仲送BIODERMA卸妝潔面水添~

http://www.reenex.com.hk/edm/201112/RBLOG1211M/Form.aspx?ref=RBLOG1211D

自家試用) 掃走士多啤梨鼻- Holika Holika blackhead sponge hot scrub and peel off mask

近年韓國的護膚產品在香港越來越受歡迎, 不過我自己就無乜用過韓國品牌的產品, 早前朋友去韓國旅行, 買咗一套兩件的去黑頭產品俾我做生日禮物, 這個品牌叫Holika Holika. 這套產品包括一支hot scrub 和 peel off mask.

洗完面後, 先取適當的hot scrub在鼻上打圈, 這支產品可以當為深層清潔, 在角質層除去. 打圈時, 會感覺少許的微熱, 我自己覺得唔算太有感覺. 之後, 就可以用水洗去.

接着, 就可以搽上peel off mask, 這個mask是黑色, 質地是有點黏黏, 搽在鼻上, 大約敷15分鐘後, 等mask 全乾後, 就可以撕下來, 再用水洗一洗.

本身鼻上都算多黑頭, 用完這一套兩件產品, 即時覺得鼻頭乾淨咗, 毛孔也相對細咗, 用完又唔係覺得太乾. 不過我都會搽上保濕產品. 其實這兩款產品可以分開用, 不過一齊用的效果係最佳.

想了解多有Holika Holika其他產品, 可以登入莎莎的網站, 但暫時唔少莎莎有引入這兩款產品, 希望遲些有啦~

http://www.sasa.com/SasaWeb/tch/product/searchProduct.jspa?brandId=12015