嘩!!我的皮膚真係烏卒卒 - Handybio離子美容器幫到手

近年市面上推出越來越多不同的離子機, 真係眼花撩亂. 而Handybio離子美容器, 我相信都有不少人聽過, 等我簡單介紹一下.

它是日本首個推出離子美容器的品牌, 離子美容器應用微電流離子導入法的原理, 發出(+)或(-)極間歇性微流電, 配合不同功效的電解離子精華, 十分鐘完成一個美容護理.

使用方法:

深層潔淨毛孔, 5分鐘(-)極

1.      將身上金屬首飾脫下

2.      使用Deep Clear EX 前先卸粧或潔面

3.      棉花用蒸餾水沾濕後搾至全乾

4.      使用過程中感覺棉花乾就要加精華素

5.      機在臉上走的方向不重要, 但力度要輕, 不要磨擦皮膚

6.      Deep Clear EX完成後用微暖水沖淨全臉, 再印乾

溫馨提示:

1.      使用時手要輕握機背的導電板, 期間紅燈閃動或每隔15秒聽到嘟一聲, 代表運作正常

2.      建議孕婦, 佩戴心臟起搏器的人士暫時停用此美容器

3.      皮膚過敏時(出現痕, 腫, 熱, 疹, 痛), 暫時停用此美容器

4.      每個星期使用2次

以下就是我第一次使用這部機的情況~

要預備晒所有的用品, 包括棉花, 蒸餾水和Deep Clear EX.

首先, 將沾濕的蒸餾水搾至全乾, 再放上Handybio離子美容器上, 然後揼3揼Deep Clear EX搽面, 另外再揼3揼Deep Clear EX在棉花度.

由於Deep Clear EX是(-)極, 所以當開個Handybio離子美容器後, 再係VOL度選擇(-)極, 而VOL度就較到最大. 之後就開始在面上LOOK, 期間覺得棉花乾, 就要再加精華素, 部機SET咗5分鐘後自動停.再用微溫沖乾淨.

 

我最鍾意係連暗瘡的位置都不用避開, 第一次使用, 始終唔係咁習慣, 所以不知不覺大力咗, 所以暗瘡的位置有少許整損咗. 其實只要輕輕推就可以. 用完後, 塊棉花真係幾黃吓……估唔到卸完妝, 洗完面, 以為塊面好乾淨……原來……….係未夠乾淨.

 

我會持續使用一個月, 希望能夠減少皮膚的暗瘡和暗粒, 可以同我的暗瘡皮膚講聲BYE BYE ~~到時再出文同大家分享~

想進一步了解Handybio離子美容器和Satys'α的產品資料, 可以登入以下網址
http://www.handybio.com/satys.aspx

愉快的一個event - Delarom初接觸, 初體驗~

上星期六好開心能夠出席Delarom係灣仔epoch coffee bar舉行的Bloggers Gathering. Delarom是一個較新的品牌, 等我簡單講吓佢的背景, 大家可以了解多一點.

Delarom是法國著名香薰有機護膚品牌, 以

²         「植物療法」

²         「芳香療法」

²         「香薰療法」

結合高效、和諧、平衡和愉悅的4大元素, 研發出一系列天然及不含防腐劑的面部及身體護理產品.

Delarom堅持不用含有

²         基苯甲酸酯

²         苯氧基乙醇

²         矽氧烷

²         礦物油

²         動物成份

確保產品安全可靠之餘並尊重生態環境.

Delarom 的靈感源自地中海的豐富植物資源, 產品以香橙、芝麻、杏、金縷梅、椴、橄欖、薰衣草等天然植物提煉而成, 更加入了多種源於地中海植物提煉的芳香精油, 為肌達至淨化、鎮靜、滋養、排毒、再生和舒緩的功效, 其大自然的芳香更有助疲倦的身心得到舒緩.

那天入到店內, 已經見到Delarom的不同產品, 而每張枱上也放咗Delarom的幾款產品, 等各位可以即時試上手.

活動開始時, 先由Delarom的職員做司儀, 簡單介紹吓這個名牌的資料, 之後就由Delarom的Training Manager Annie同大家詳細介紹Delarom的品牌理念和各款產品. 佢地的產品除咗面部產品外, 仲有body和hair的產品, 真係非常之全面.

而且Annie也親身示範一些產品怎樣去使用, 效果會更吸收.

第一次接觸Delarom的產品, 喜歡佢的產品成份天然, 淡淡的香薰, 感覺好舒服. 當介紹晒所有產品後, 就有一個問答遊戲, 最快舉行答啱題目的人就可以得到禮物一份. 恭喜晒三位得獎者.

簡介會完結後, 大會還預備咗set lunch俾大家, 也要感謝she.com的細心安排, 因為佢地事前已經set咗email俾各位出席者, 會選擇那款前菜和主菜.

我就是蕃茄湯, 雞配薯蓉燒茄子疏菜, 熱咖啡, 而甜品是這間店的招牌甜品- 7-layer valrhona chocolate cake, 對於鍾意食朱古力的我真係好好味道, 因為朱古力味濃郁. 每一層都有唔同的口感.

而且也認識多一些新的bloggers, 大家食吓講吓, 時間真係過得特別快, 原本1點完結的活動, 我地差唔多2點先走, 大家都傾得好開心, 希望下次再有機會同各位見面.

每位出席的朋友, 仲可以得到一套四件的Delarom香薰有機護膚產品回家慢慢試. 稍後同各位分享用後感. 多謝Delarom和she.com的職員悉心安排.

初接觸AVANCE - 眼部專用超完美卸妝液

卸妝產品對於喜愛化妝的女士來講是不可缺少, 所以選擇眼部卸妝特別注意, 因為眼部的肌膚好薄.

未試用產品前, 對於AVANCE這個日本品牌比較陌生, 今次好多謝雅施, 令我有機會試用佢地的眼部專用超完美卸妝液. 等我先簡單講吓AVANCE的資料.

 

AVANCE 為日本著名化粧品牌HOLLYWOOD COSMETICS旗下品牌, 其眼部化粧及護膚品深受日本女生歡迎..

今次試用眼部專用超完美卸妝液, 它採用温和無刺激的油水兩層分離配方, 可以輕鬆卸除睫毛膏和眼線等難以卸去的眼妝, 但又不傷皮膚.

使用好簡單, 只需要用前搖勻卸妝液, 再用化妝棉取適量的卸妝液, 大約放在眼部10至15秒左右, 就可以抺去.

今次我搽咗一個帶有閃的眼影, 再塗上睫毛液. 當我用化妝棉抺第一次時, 大部份的眼裝都已經抺去. 我再用化妝棉抺第二次, 只剩下淡淡的睫毛液. 效果幾乾淨, 我只需要輕輕的抺就可以. 抹完沒有乾的感覺.

等我話一個好消息俾大家, 雅施今年夏天正式把AVANCE這個品牌的產品引入香港大家唔需要去日本買啦~

暗瘡皮膚不可缺少它 - Origins 特效暗瘡療液

暗瘡對於混合性皮膚容易出暗瘡的我黎講是一個煩惱, 而且暗瘡時好時壞, 所以暗瘡膏對於我是不可缺少的產品.

今次試用Origins最新推出[加強版]Spot Remover特效暗瘡療液，簡單講下它的成份

1)     水楊酸

迅速治療患處，加速暗瘡凋謝, 迅速殺菌消炎及控制初冒起的暗瘡

2)     天然成份咖啡因和紅海藻萃取能鎮靜及紓緩紅腫發炎

3)     黄芩根、蘋果及青瓜精華

有助防止黑色素積聚, 消除暗瘡印痕, 保持膚色均勻，以後消痘不留痕!

7月1日正式發售 [$130/10ml]

今次試用咗ORIGINS特效暗瘡療液差唔多一個星期, 它的用法方便和簡單, 只需要搽在暗瘡患處上, 搽上去時覺得有少少涼涼地, 若搽在紅腫的暗瘡上會有少許吉吉地的感覺, 由於是透明GEL狀, 好似有一層薄膜保護住暗瘡的位置.

對於已經有白頭的暗瘡, 只需要搽兩三日, 便已經平伏咗, 只剩下暗瘡印.

若只係又紅又痛又腫而未出白頭的暗瘡, 我就需要較長的時間去等佢出白頭, 不過搽咗兩日暗瘡已經唔痛.

我喜歡佢的容量, 只有10ML, 細細支, 可以放係手袋或公司, 非常方便. 而且價錢相宜, 一支可以用好長的時間. 對於我黎講, 這支暗瘡療液是看門口的好幫手.

想了解多些ORIGINS的產品, 可以去以下網址 

http://www.originshk.com/sms_1.asp